Sebastian Vettel

De Biquipedia
Ir ta: navego, busca
Sebastian Vettel
Sebastian Vettel 2009 Australia(cropped).jpg
O piloto de Formula 1 alemán Sebastian Vettel
Información personal
Nacionalidat Flag of Germany.svg Alemanya
Naixito {{{Born}}}
Muerto {{{Death}}}
Información d'o equipe
Equipe Red Bull Racing
Numero 1
Datos en a Formula 1
Cursas prencipiatas 120
Campionatos mundials 4 (2010, 2011, 2012, 2013)
Victorias 39
Podios 62
Pole positions 45
Vueltas rapedas 22
Primer Gran Premio Estatos Unitos 2007
Primera victoria Italia 2008
Posición en 2013 1º (281 pts)

Sebastian Vettel (naixito o 3 de chulio de 1987 de Heppenheim, Alemanya Occidental) ye un piloto de formula 1 alemán d'o equipe austriaco Red Bull Racing. Actualment ye campión d'o mundo de Formula 1, dimpués de ganar o campionato en a temporada 2012, estando o tricampión mas choven d'a historia d'iste esporte. Chunto con o suyo companyero d'equipe, o australián Mark Webber, ganó en ixe mesmo anyo o campionato mundial de constructors con o equipe Red Bull.

Prencipió a competir en karts en l'anyo 1995, y puyó a escape por as diferents categorías chovenils de l'automobilismo dica plegar a o equipe de Formula 1 BMW Sauber. Dimpués de fer parti en os entrenamientos d'o Gran Premio de Turquía 2006, Vettel se convirtió en o piloto mas choven en conducir un formula 1 en una competición oficial, con a edat de 19 anyos y 53 días. Con o suyo debut en o Gran Premio d'Estatos Unitos 2007 sustituyindo a o lesionato Robert Kubica se convirtió en o seiseno piloto mas choven en fer parti d'un Gran Premio de Formula 1 y amás dimpués de puntuar en ixa mesma cursa estió o piloto mas choven d'a historia en fer-lo. Dipués de fichar por Toro Rosso, Vettel se convierte en o piloto mas choven en liderar una cursa en o Gran Premio de Chapón de 2007. Mientres d'a calificación ta o Gran Premio d'Italia 2008, Vettel se convirtió en o piloto mas choven en a historia d'a formula 1 en lograra a pole position.[1] Amás ganó ixa mesma cursa, conventindo-se en o ganador mas choven d'una cursa de formula 1.[2] En 2009 fichó por Red Bull Racing y en ixe mesmo anyo remató a temporada como subcampión, dezaga de Jenson Button, antis de ganar o títol en as tres temporatas siguients.

Referencias[editar | editar código]


Predecesor:
Flag of the United Kingdom.svg Jenson Button
Campión d'o Mundo de Formula 1
2010, 2011, 2012 y 2013
Succesor:
-