Royal Air Force

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Ensenya d'a Royal Air Force.
Un Supermarine Spitfire modelo Spitfire LF XVIII, o modelo d'adaptación naval d'uno d'os avions mas conoixitos d'a Royal Air Force mientres a Segunda Guerra Mundial.

A Royal Air Force (Reyal Fuerza Aeria en aragonés) u RAF ye a Fuerza aeria d'as Fuerzas Armatas d'o Reino Uniu. Chunto con o British Army (Exercito de Tierra) y a Royal Navy (Armata) ye una d'as brancas d'as British Armed Forces.

A Royal Air Force s'establió o 1 d'abril de 1918, mientres a Primera Guerra Mundial, por a fusión d'os anteriors Royal Flying Corps (un servicio u branca de l'Exercito de Tierra britanico) y Royal Naval Air Service (que dependeba d'a Royal Navy), y estió a primera Fuerza aeria independient d'o mundo. Mientres a Segunda Guerra Mundial tenió un important papel en a luita contra a Luftwaffe d'o Tercer Reich, destacando a dita Batalla d'Anglaterra dende chunio de 1940 dica mayo de 1941, a on partecipó o Royal Air Force Fighter Command, u os bombardeyos aerios masivos sobre o territorio alemán ta destruyir a capacidat industrial alemanya, istos zagueros feitos por l'atra branca especifica d'a RAF, o Royal Air Force Bomber Command, que con o Royal Air Force Fighter Command ta la cazata estioron os prencipals Mandos u brancas d'a RAF mientres a guerra.

Fan parte d'a RAF, alto u baixo, 32.940 militars actius (2020) y 738 avions operatius en 2021.[1]

Referencias[editar | modificar o codigo]

Vinclos externos[editar | modificar o codigo]