Ropa
De Biquipedia
La roba ye cualsiquiera d'as piezas de texito u tela que sirben ta bestir á las presonas, os muebles e a casa. D'antis más s'emplegaban nomás ta protecher o cuerpo d'o clima e os ochetos d'a porquería, pero os suyos usos s'han ito multiplicando. Os materials son bariatos, dende piels dica cotón u fibras sinteticas.
A moda diz o estilo de ropa que predomina en cada epoca e o tipo de ropa indica á sobent la clase sozial e tamién á begatas a traza de pensar d'a presona que la leba. Bi ha ropa espezifica ta una autibidat, como o equipamiento esportibo, os uniformes profesionals u os bestitos relichiosos, entre atros. Amostrar una parti d'o cuerpo u una atra, espezialment lo d'a muller, pende d'as normas de pudor d'una sozietat concreta.
[editar] Materials emplegatos
En a ropa s'emplegan fibras e atros materials naturals como o lino, a lana, a seda, a piel u o cuero. D'atra man tamién s'emplegan materials sinteticos como lo elastán, o nylon e o poliester.
