Pneumonía
A pneumonía ye un trastorno inflamatorio d'o pulmón.[1] Asobén se la describe como una inflamación pulmonar parenquima-alveolar y una repleción alveolar anormal con consolidación y exudación de fluidos.[2]
Os alveolos son bolsas microscopicas plenas d'aire d'os pulmons, encargatas d'asorber l'oxichén. A pneumonía puet deber-se a una variedat de causas, incluindo-ie infección por bacterias, virus, fongos u parasitos, u una lesión quimica u fisica d'os pulmons. A suya causa tamién puet describir-se oficialment como "idiopatica" (ye decir, desconoixita) quan s'han excluito as causas infecciosas.
Os sintomas tipicos asociatos con a pneumonia incluindo tos, dolor toracico, fiebre y dificultatz ta respirar. As ainas de diagnostico incluyen as radiografías y una examinación d'o esputo. O tractamiento pende d'a causa d'a pneumonía; a pneumonía bacteriana se tracta con antibioticos.
A pneumonía ye una malautía común que se produce en totz os segmentos d'edat, estando una d'as primeras causas de muerte entre a chent gran[3] y os malautos cronicos y terminals. Existen vacunas ta prevenir determinatos tipos de pneumonía. A prognosi pende d'o tipo de pneumonia, o tractamiento apropiato, qualsiquier complicación, y o estato de salut d'a presona.
Referencias [editar]
