Nicho ecolochico

De Biquipedia
Ir ta: navego, busca
Dos especies diferents de líquens, una de verde y un atra d'amariella con dos nichos ecolochicos diferents en una mesma penya sin variación en a composición d'a roca. Os dos nichos diferents son resultato d'as condicions d'exposición y d'humidat.

O nicho ecolochico ye o conchunto de circunstancias, relacions con l'ambient, conexions troficas y funcions ecolochicas que definen o paper que fa una especie d'un ecosistema.

O concepto de nicho ecolochico se diferencia d'o concepto d'Habitat, que ye on on vive u habita a especie.

Quan dos especies coinciden en un nicho ecolochico se lo reparten u una desplaza a l'atra. Ye o que s'ha desvenito con as especies introdueitas, que si sobreviven pueden desplazar a las especies afins. D'esta traza o cangrillo americán ha desplazato a lo cangrillo europeu, o visón americán a lo visón europeu, l'anatido Oxyura jamaicensis desplaza a Oxyura leucocéfala, y entre os peixes zamarucos Gambusia holbrooki desplaza a lo zamaruco autoctono Valencia hispanica.

D'egual traza quan una especie desapareixe en un ecosistema o suyo nicho ye ocupato por atra que n'eixampla o suyo.

Bibliografía[editar | editar código]