Neopaganismo

De Biquipedia
Ir ta: navego, busca

O neopaganismo ye un grupo heterochenio de relichions que miran de recuperar o politeísmo de l'antiga Europa. Se fa servir a parabra neopaganismo ta esferenciar-lo d'o paganismo d'os tiempos antigos. A bells siguidors más u menos estrictos de relichions precristianas como as celticas, nordicas, neoromanas u neohelenicas no les fa goyo que se les aplique a parabra neopaganismo.

Istas relichions tienen más esferencias entre ellas pero tamién tienen como caracteristicas comuns o respeto a la naturaleza, a veneración de muitos dioses (politeísmo), l'uso d'a mitolochía antiga y a creyencia en a machia.

As relichions paganas siempre han estato ricas en simbols de muitos significatos y d'orichens d'o pasato. En a modernidat ye predominant un simbolo d'orichen greco-roman, o pentaclo, que puet estar emplegato como emblema de totas as relichions d'o neopaganismo. Cada tradición neopagana gosa tener os suyos propios simbolos, que en o caso d'as relichions reconstruitas son dreitament heredatos d'o patrimonio cultural d'as antiguas religions paganas en que s'alazetan.

Bellas relichions dentro d'o neopaganismo[editar | editar código]