Politeísmo

De Biquipedia
Ir ta: navego, busca
Articlo d'os 1000
Procesión d'os dioses en o sarcofago de Prometeu, c. 240 aC, en o Museu d'o Louvre.

O politeísmo (d'o griego poly + theoi: muitos dioses) ye a creyencia de que bi ha muitos dioses, u divinidatz. Ye una forma de relichión que reconoixe diversas divinidaz, alto u baixo independients entre ellas.[1] O termin fue inventato por Filón d'Aleixandría en o sieglo I, si bien designa una realidat muito más antiga, y ye l'oposato a o monoteísmo.

A gran mayoría d'as relichions son politeístas, encara que o total de creyents d'as tres grans relichions monoteístas, as que dicen que nomás bi ha un Dios, actualment supera o numero de fiels d'istas. As divinidatz politeístas gosan tener un vinclo muit dreito con a naturaleza, as actividatz d'a vida cotidiana u os ciclos vitals (por un regular as divinidatz relacionatas con a muerte, o más allá u os muertos tienen una gran relevancia), que contrastan con a dimensión eminentment transcendent d'o monoteísmo.[1]

A propagación d'o concepto apareixe antis d'a existencia d'as relichions monoteístas. De feito, as relichions antigas tenioron un component muit politico, y existioron grans panteons de deidatz asociatas con as tradicions de cada puesto. A mayoría de relichions antigas yeran politeístas, y teneban panteyons de dioses tradicionals, a sobén acumulatos mientres sieglos d'intercambeyos culturals y d'experiencias. As relichions politeístas actuals encluyen o hinduismo, o xintoísmo, bellas formas de wicca (una relichión neo-pagana establita por Gerald Gardner en 1930), o budú, y l'asatrú. O budismo, o hinduismo, y bellas relichions neo-paganas son politeístas en a mida en que se tracta d'una filosofía teolochica de referencia d'un miembro. Bells estudiosos chodigos y islamicos veyen a doctrina cristiana d'a trinidat relacionata con o politeísmo, un concepto que os cristians, por un regular, refusan enerchicament; o mesmo s'escayece en relación con os diferents santos d'o Cristianismo.

Quan se creye en diversos dioses pero un d'ells destaca por dencima d'a resta, se parla d'enoteísmo. Bells cultos enoteístas rematoron estando monoteístas con o paso d'o tiempo. Os dioses principals de cada panteyón gosaban estar emparentatos.

Referencias[editar | editar código]