Monezipio
De Biquipedia
Un monezipio ye a entidat local basica d'a organizazión territorial y l'alazet primario d'a partizipazión ziudadana en os asuntos publicos.
O monezipio desfruta d'autonomía, tien presonalidat churidica y plena capazidat ta l'exerzizio d'as funzions publicas que tien encomendatas, ta representar os intreses d'a coleutibidat respeutiba y ta chestionar os serbizios publicos que en asumen a tetularidat.
Ye formato per:
- O termín monezipal, ambito territorial an que o Conzello exerze las suyas competenzias.
- Os bezins u abitadors, presonas residents en o monezipio seguntes consta en o padrón monezipal d'abitadors.
- A organizazión monezipal, conchunto de presonas y biens ordenatos t'a consecuzión d'os ochetibos que se proposan.
En l'antiga Roma, un municipium yera una ziudat libre que yera gubernata con as suyas propias lais y que os suyos ziudadáns desfrutaban d'os dreitos d'a ziudadanía romana.
En l'autualidat, á mayor parti d'os países recullen o monezipio como entidat local basica d'organizazión, e ixo ye asinas tamién en Aragón.
