Microbiolochía

De Biquipedia
Ir ta: navego, busca

A microbiolochía (d'o griego Micron = chicolón, Bios = vida, y Logos = estudio, devoción) ye a disciplina d'a biolochía que s'encarga d'o estudio d'os microorganismos, enteniendo microorganismos como os sers vivos unicelulars, incluyendo-ie os fongos (levaturas), bacterias, archaea y protozoos.

Fablar d'os oríchens d'ista sciencia ye fablar d'a invención d'o microscopio. O aparello que fa possibles as observacions d'os microorganismos dende a segunda cinquantena d'o sieglo XVII.

En 1664, o naturalista anglés Robert Hooke va fer a que ye considerata a primera observación microscopica d'os cuerpos fructiferos d'a floridura, con un primitivo microscopio feito de lents concavas consecutivas adintro d'un cilindro de metal.

Dimpués d'ista calendata, bellos naturalistas van fer as suyas observacions con millors aparellos por cada vegada. Ye un eixemplo o neerlandés Van Leeuwenhoek. Comparatos con os actuales, o microscopio emplegato por Leeuwenhoek yera muit primitivo e simple, pero as publicacions que va fer en as cartas escritas t'a Royal Society de Londres, que van estar publicatas en o 1684 en anglés, demuestran a suya habilidat ta debuixar codas que ell consideró "chicolons animáculos" (Actualment ye acceptau que os sers vivos que va veyer Leuweenhoek no van estar atra cosa que bacilos). Ista ye a primera representación conoixida de microorganismos en a historia.