Menalau
 |
Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario. |
En a mitolochía griega, Menalau (griego antigo: Μενέλαος) estió un lechendario rei d'a Esparta micénica, esposo d'Helena, asinas como una figura central en a Guerra de Troya. Estió chirmán d'Agamenón, rei de Micenas y lider d'as tropas aqueas (griegas). Prominent figura en a Ilíada y a Odisea, Menalau tamién estió popular en a trachedia griega. En a Odisea se le veye mas como un héroe d'a guerra troyana que como un miembro d'a condenada familia d'Atreu.
Menalau se convirtió en rei d'Esparta dimpués de casarse con Helena, qui sería seducida por Paris, fillo de Príamo, rei de Troya, dando puesto a la guerra de Troya. Baixo o mando d'Agamenón, Menalau y os de demás reis griegos foron a Troya ta rescatar a Helena. A la fin d'a guerra, Menalau estió un d'os griegos que s'amagó en o caballo de Troya. Dimpués d'a guerra, Helena y Menalau tractoron de tornar a Grecia, pero se veyoron obligaus a fer una travesía que duró ueito anyos. Al fin, Menalau y Helena podioron tornar a Esparta.
[editar] Menalau en a Odisea
Menalau amaneixe como personache en a Odisea d'Homero, prencipalment en o canto IV. En o viache realizau en busca de noticias d'o suyo pai Ulises, Telemaco plegó a Esparta, an charró con Menalau, que se trobaba acompanyau d'Helena, una vez que totz dos tornoron a reinar a Esparta. Menalau narró a Telémaco o suyo penoso viache de torno que habió de realizar dende Troya: os dioses le heban reteniu en a isla de Faro, en Echipto y allí i habría muerto, de conchunta con os suyos companyers, de fame, de no estar por Idotea, que le conselló que atrapase a o suyo pai, Proteu, que en ista versión no ye rei d'Echipto, sino un dios marino capaz de convertirse en qualsiquier animal y mesmo en fuego. Aduyaus por Idotea,Menalau y varios d'os suyos companyers aconsiguioron sorprender y atrapar a Proteu, que les informó que heban estau retenius en Echipto por no haber feito os debius sacrificios a os dioses y solament quan los realizó os dioses propicioron aires favorables ta navegar y tornar a la suya patria.
