Marketing
De Biquipedia
O marketing ([mar'ketin] u ['marketin], de l'anglés marketing) ye una zienzia que rebalora a perzezión suchetiba d'un determinau produto, serbizio u empresa fendo serbir un conchunto d'autibidáz de mercato rilazionatas entre ellas. Ye siempre endrezata ta satisfer os deseyos e motibar as nesezidáz d'un publico potenzial u rolde ochetibo. As tecnicas que fa serbir sen destinatas a desembolicar os comportamientos positibos d'iste rolde ent'a organizazión u entidat, faborexendo l'intercambeyo d'esquímens en forma de crompa de produto u serbizio final por parti d'os mercadors.
As autibidaz que se fan serbir encluyen l'estudeyo d'os prozesos de rechira ta: escubillar l'esistenzia d'o rolde de mercadors potenzials, conoixer as suyas nesezidaz e intereses, conoixer as posibilidaz e manieras d'amanamiento d'a empresa enta os roldes ochetibos, ezetera. O marketing tamién encluye as imbestigazions de mercau, l'analís de posizionamiento e balors espresibas d'os produtos u serbizios ufrius, os suyos pres e os bolumens de distribuzión más faborables e, zaguerament, as posibles pormozions e campanyas publizitarias.
A publizidat ye a ferramienta más direuta d'o marketing. Ista merca un espazio comunicatibo ta un produto u serbizio determinau e i mete un mensache persuasibo con l'ochetibo de bender-lo. A publizidat, chunto con atras tecnicas de marquetín e promozión, fan que l'articlo u serbizio remana en os tozuels d'os mercadors, fendo asinas que les agane a crompa d'este.
