Mariano Rajoy

De Biquipedia
Ir ta: navego, busca


Gtk-find-and-replace.svg Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.
Mariano Rajoy Brey
Mariano Rajoy

Actualment en o cargo
Dende o 21 d'aviento de 2011
Precedito por José Luis Rodríguez Zapatero

Actualment en o cargo
Dende o 16 d'octubre de 2004
Precedito por José María Aznar

4 de setiembre de 2003 – 15 d'octubre de 2004
President José María Aznar
Precedito por Javier Arenas
Succedito por Ángel Acebes

27 d'abril de 2000 – 4 de setiembre de 2003
President José María Aznar
Precedito por Francisco Álvarez-Cascos
Succedito por Rodrigo Rato

27 d'abril de 2000 – 27 de febrero de 2001
President José María Aznar
Precedito por Francisco Álvarez-Cascos
Succedito por Juan José Lucas

10 de chulio de 2002 – 4 de setiembre de 2003
President José María Aznar
Precedito por Juan José Lucas
Succedito por Javier Arenas

27 de febrero de 2001 – 10 de chulio de 2002
President José María Aznar
Precedito por Jaime Mayor Oreja
Succedito por Ángel Acebes

18 de chinero de 1999 – 27 de abril de 2000
President José María Aznar
Precedito por Esperanza Aguirre
Succedito por Pilar del Castillo

6 de mayo de 1996 – 18 de chinero de 1999
President José María Aznar
Precedito por Joan Lerma
Succedito por Ángel Acebes

5 de noviembre de 1986 – 26 de setiembre de 1987
President Gerardo Fernández Albor
Precedito por José Luis Barreiro
Succedito por José Luis Barreiro

Actualment en o cargo
Dende o 14 de marzo de 2004
Naiximiento 27 de marzo de 1955
Flag of Galicia.svg Santiago de Compostela (Galicia)
Partito PP
Conchuche Elvira Fernández Balboa[1]
Profesión Rechistrador d'a propiedat

Mariano Rajoy Brey (Santiago de Compostela, 27 de marzo de 1955) ye un politico gallego, activo en a politica d'ámbito espanyol. Estió ministro d'Espanya en diversas carteras entre 1996 y 2003 y vicepresident d'o Gubierno d'Espanya dende 2000 ta 2003. Actualment ye o president d'o Partiu Popular y, dimpués d'estar o prencipal lider d'a oposición entre a VIII y a IX Lechislatura d'Espanya, o suyo partiu obtenió a mayoría absoluta en as eleccions chenerals celebratas o 20 de noviembre de 2011. Fue investiu President d'o Gubierno d'Espanya por o Congreso d'os Deputaus o 20 d'aviento de 2011, prenendo posesión d'o cargo o 21 d'aviento.

Formación[editar | editar código]

Rajoy ye nieto d'Enrique Rajoy Leloup, un d'os redactors d'o Estatuto d'autonomía de Galicia en 1932 qui estió apartau d'a docencia universitaria por a dictadura dica prencipios d'os 50 y ye fillo de o tamién churista Mariano Rajoy Sobredo, president de l'Audiencia Provincial de Pontevedra, ciudat a on creixió.

Licenciato en Dreito por a Universidat de Santiago de Compostela, prencipió a preparar as oposicions a Rechistrador de a Propiedat en o zaguer anyo de carrera y las aprebó a l'anyo siguient. Con 24 anyadas esdevenió o rechistrador mas choven d'Espanya. Fue destinau en Padrón (Galicia), Vilafranca do Bierzo (Leyón) y Santa Pola (Alicant) d'a on encara en ye titular.

Manimenos, o feito de estar rechistrador de a propiedat no libró a o choven Rajoy de fer o extincto servicio melitar obligatorio, en o qualo se ocupó prencipalment d'a limpieza d'as escaleras d'a Capitanía Cheneral de Valencia, licenciando-se en zaguerías de 1980[2]

A politica gallega (1981-1991)[editar | editar código]

Afiliato a Alianza Popular (AP), actualment denominau Partiu Popular (PP), fue esleiu deputato en as primeras eleccions autonomicas gallegas, celebradas o 20 d'octubre de 1981.

En 1982 fue designau director cheneral de Relacions Institucionals d'a Chunta de Galicia. En as elecions municipals d'o 8 de mayo de 1983 fue esleiu concellal d'o concello municipal de Pontevedra. En o Congreso extraordinario d'o partiu d'o mes de mayo de 1988 fue nombrau secretario cheneral d'AP en Galicia.

O 11 de chunio de 1983 estió nombrau president d'a Diputación Provincial de Pontevedra, cargo que ocuparía dica aviento de 1986.[3] En as eslecions chenerals d'o 22 de chunio de 1986, obtenió una cadiera en o Congreso d'os Deputaus como cabeza de lista por Pontevedra, encara que renunció en noviembre ta estar vicepresident d'a Chunta de Galicia dimpués d'a dimisión de Xosé Luis Barreiro y a resta d'os consellers. Ocupó iste cargo dica finals de setiembre de 1987.

En chinero de 1989 se refunda AP en un solo partiu, que se pasa a denominar Partido Popular (PP), con Manuel Fraga Iribarne como president; Rajoy ye nombrau miembro d'o Comité Executivo Nacional d'o Partido Popular, renueva a suya acta de deputau por Pontevedra y preside a Comisión de Control Parlamentario de Radiotelevisión Española.

O 4 de setiembre de 1989, José María Aznar (dica alavez president d'a Chunta de Castiella y Leyón) estió esleiu candidato a las eslecions chenerals, a propuesta d'o propio Fraga, y en abril de 1990, esdevinió president d'o Partiu Popular y Rajoy estió esleiu miembro d'a Executiva Nacional y vicesecretario cheneral d'o PP. En as eslecions d'o 6 de chunio de 1993, o Partiu Popular se consolidó como primer partiu d'a oposición y Rajoy esvielló a suya acta de deputau por Pontevedra.

Ministro d'o Gubierno (1996-2004)[editar | editar código]

O 3 de marzo de 1996 o Partiu Popular venció en as eslecions con 9.716.006 votos, estando Aznar proclamau president d'o Gubierno con os apoyos de PNV, CiU y Coalición Canaria y Rajoy renovó por tercera vez a suya cadiera en o Congreso, dimpués d'haber dirichiu ixa exitosa campanya electoral. Ixe mesmo anyo contrayó matrimonio con Elvira Fernández Balboa.

O 5 de mayo de 1996 estió nombrau ministro d'Administracions Publicas cargo en o que aconsiguió aprebar a Lei d'Organización y Funcionamiento de l'Administración Cheneral d'o Estau, LOFAGE (Lei 6/1997, de 14 d'abril).

En chinero de 1999, Rajoy deixó o suyo cargo a Ángel Acebes y substituyó a Esperanza Aguirre, que heba recibiu fuertes criticas por a suya chestión, estando nombrau Ministro d'Educación y Cultura y aprebando nuevos plans d'estudeos de Formación Profesional. Ixe mes estió reesleiu vicesecretario cheneral d'o partiu en o suyo XIII Congreso.

Rajoy s'encargó unatra vegada de dirichir a campanya electoral t'as esleccions chenerals de 2000 en as quals o Partiu Popular obtenió a mayoría absoluta frent a o PSOE de Joaquín Almunia, aconseguindo 10.321.178 votos, a zifra de sufrachios mas alta dica 2011, dimpués d'o que Rajoy estió nombrau Vicepresidente Primer y ministro d'a Presidencia d'o Gubierno en sustitución de Francisco Álvarez Cascos.

En febrero de 2001, dimpués d'a fallida tregua de 1999, deixó d'estar ministro d'a Presidencia ta succeder en Interior a Jaime Mayor Oreja que se presentaba como candidato a lehendakari en o País Basco. Como responsable d'iste ministerio Rajoy empentó a politica antiterrorista contra ETA, o Gubierno aprebó o prochecto de lei d'asociación (chunio de 2001), s'aprebó o Reglamento que desembolicaba a lei d'Extranchería (chulio de 2001) y l'anteprochecto de Lei de Prevención d'o Consumo Indebiu de Bebidas Alcolicas (mayo de 2002).

En chinero de 2002 estió reesleiu vicesecretario cheneral d'o partiu en o XIV Congreso y en chulio Rajoy cesó como ministro d'Interior, estando substituiu por Acebes, ta asumir as carteras de Vocero d'o Gubierno y, de nuevas, a d'o Ministerio d'a Presidencia.

Como vocero habió d'afrontar o desastre ecolochico causau por o vertido d'o petrolero Prestige y l'emparo d'Aznar a George W. Bush en a invasión d'Iraq de 2003.

O 3 de setiembre de 2003 deixó os cargos anteriors en estar proposau por José María Aznar como Secretario Cheneral d'o PP y candidato a la Presidencia. Dimpués d'o XIV Congreso d'o Partiu Popular esdevendría o nuevo lider d'o PP.

En as esleccions celebradas en marzo de 2004, dimpués d'os atentaus de l'11 de marzo, os posteriors sucesos derivados d'os mesmos, disminuyó l'abstención y venció o PSOE liderado por José Luis Rodríguez Zapatero, por una diferencia de quasi 1.300.000 votos respective a o PP, y obtenió 164 deputaus; por a suya parte, o PP obtenió 9.763.144 votos (un resultau muit semellant a o de 1996) y 148 deputaus, 35 menos que os aconseguius en l'anyo 2000, encara que conservó una mayoría relativa en o Senado perdendo 25 senadors.

Politica en a oposición (dende 2004)[editar | editar código]

José Luis Rodríguez Zapatero y Mariano Rajoy dimpués d'una trobada entre totz dos realizada o 5 de mayo de 2010 en o Palacio d'a Moncloa.

Dende 2004 dica 2011, Mariano Rajoy estió, como president d'o Partiu Popular, o prencipal líder d'a oposición a o gubierno de José Luis Rodríguez Zapatero.

Vinclos externos[editar | editar código]

Wikiquote Wikiquote tien una replega de frases celebres de u sobre Mariano Rajoy.
Commons-logo.svg
Se veigan as imáchens de Commons sobre J. L. Rodríguez Zapatero.


Predecesor:
José Luis Rodríguez Zapatero
President d'o Gubierno d'Espanya
2011-...
Succesor:
-


Referencias[editar | editar código]