Loseta (roca)
De Biquipedia
Loseta ye como se diz á una roca metamorfica que por tener esquistosidat se creba en losetas.
Ixo que se diz loseta no s'entiende d'a mesma traza en estratigrafía que en petrolochía. Pa un petrologo no se diz loseta que cuan bi ha minerals metamorficos e ye ya una roca metamorfica diferent d'as rocas sedimentarias ditas lutitas. Pa un estratigrafo una loseta ye una lutita compactata (loseta sedimentaria) u una roca metamorfica (loseta metamorfica).
Por un regular cuan ya han desembolicato esquistosidat ya tienen minerals metamorficos e se pueden considerar rocas metamorficas, pero no siempre se desbién asinas.
Os minerals més abundants son cuarzo e filosilicatos d'o tipo d'a moscobita. A color ye bariable. Muitas begatas ye negra por l'abundanzia de materia organica. Si bi ha color berde ye por a clorita. A carauteristica de crebar-se á lamas fa que las faigan serbir pa fer tellatos.
En a peninsula Iberica bi n'ha importants chazimientos en Galizia (Valdeorras), Segobia (Bernardos), Badajoz (Vilar de Rey). En o Perineu asial ye abundant, e por ixo os tellatos i gosan estar de loseta.
