Khadicha

De Biquipedia
Ir ta: navego, busca

Khadicha (prenunciato /xa.'di.t∫a/, 555? - A Meca, 619) estió a primera muller d'o profeta musulmán Mahoma. Se casó con ell quan ella teneba quaranta anyos y Mahoma vinticinco.

Khadicha yera una viuda rica d'a tribu quaraisí, a lo servicio d'a quala entró o profeta pa dimpués prener-lo como marito. Lo aduyó con la suya fortuna en a propagación d'a nueva doctrina.

D'os siet fillos que tenioron, tres ninas y tres ninos, només Fatima plegó a la edat adulta y se casó con o cuarto califa Ali Ibn Abi Talib. Seguntes a tradición yera muito polita, y a tamas d'a suya edat, enamoró a Mahoma. L'Alcorán presenta esta relación como eixemplo d'a suprema dita, modelo pa os musulmans.

En a obra de Mohamad Rabadán, en castellán con aragonesismos, s'escribe Addicha[1] con a caracteristica adaptación d'arabismos en aragonés cambiando o fonema d'a letra chim por o fonema africato d'o digrafo ch.

Referencias[editar | editar código]

  1. José Antonio Lasarte López Poemas de Mohamad Rabadan Diputación General de Aragón, 1991. pp 323

Vinclos externos[editar | editar código]