Mahoma
| Mahoma محمد |
|
|---|---|
 Mahoma |
|
| Información personal | |
| Calendata de naixencia: | 570 |
| Puesto de naixencia: | A Meca |
| Calendata de muerte: | 632 |
| Puesto de muerte: | Medina |
| Ocupación: | Profeta |
| Conchuche: | Khadicha |
Muhammad (en arabe , Muḥammad) (A Meca 570 - Medina 632) ye o zaguer profeta de Dios en l'Islam
Biografía [editar]
Muhammad ibn Abd Allah naixió d'a Meca en 570.
O suyo pai, Abd Allah, morió antis de que éll naixese y o mocet fue criato por o suyo lolo paterno Abd al-Muttalib d'a tribu Quraysh.
Se diz que poco dimpués d'o suyo naiximiento fue posato a lo cuidato d'una muller beduina, Halima, (se consideraba que a vida en o disierto yera más sana y segura t'os ninos). A los seis anyos, Mahoma perdió a la suya mai y a los ueito, a lo suyo lolo, quedando baixo a tutela d'o suyo tío Abu Talib, un líder d'a tribu Quraysh, a más poderosa d'a Meca.
En ixa epoca a Meca yera un centro comercial prospero, prencipalment porque exitiban bells templos que conteneban diferens idolos, lo qualo atrayeba un gran numero de pelegrins. Mercaders de diferens tribus vesitaban A Meca en a epoca d'o pelegrinache quán as guerras tribals yeran prohibitas y podeban contar con un viache seguro.
En a suya adolescencia, Mahoma acompanyó a o suyo tío en os suyos viaches ta Siria y atros puestos. Por tanto, pronto esdevinió una presona con ampla experiencia en os costumbres d'atras rechions.
Dimpués, Mahoma se fació mercader y una d'as suyas clients yera Khadicha, una rica vidua de 40 anyos. Mahoma, que teneba 25 anyos, la heba impresionato y ista li proposó matrimonio en l'anyo 595. A tradición arabe diciba que os fillos menors no recibiban herencio y por ixo ell no en recibió.
Khadicha tenió seis fillos con Mahoma, dos varons y quatro mullers. Totz naixioron enantes que Mahoma recibise a primera revelación.
Veyer tamién [editar]
