Johannes Kepler

Johannes Kepler (Weil der Stadt, Sacro Imperio Román Chermanico, 27 d'abiento de 1571 - Ratisbona, 15 de nobiembre de 1630), astronomo e matematico alemán e una fegura clau en a reboluzión zentifica. Ye conoxito, fundamentalment, por o descubrimiento d'as lais sobre o mobimiento d'as planetas que plasmó en as suyas obras Astronomia Nova e Harmonices Mundi. Estió aduyant d'o tamién astronomo Tycho Brahe e matematico d'a cort d'o emperador Rodolfo II. Tamién reyalizó contrebuzions importants en o campo d'a optica, aduyó á lechitimar os descubrimientos astronomicos d'o suyo contemporanio Galileo Galilei e, grazias á la suya obra Somnium, li se considera o precursor d'o chenero d'a zenzia-fizión.