Henri Matisse
| Henri Matisse | |
|---|---|
 Henri Matisse o 20 de mayo de 1933. |
|
| Información personal | |
| Calendata de naixencia: | 31 d'aviento de 1869 |
| Puesto de naixencia: |  Le Cateau-Cambrésis (Norte-Paso de Calais, Francia) |
| Calendata de muerte: | 3 de noviembre de 1954 |
| Puesto de muerte: |  Niza (Alpes Maritimos, Occitania) |
| Ocupación: | Pintor, escultor y disenyador |
Henri Matisse (conoixito tamién como Matisse), naixito de Le Cateau-Cambrésis (Norte-Paso de Calais) o 31 d'aviento de 1869 y muerto en Niza (Alpes Maritimos) o 3 de noviembre de 1954, estió un pintor, escultor y disenyador francés, considerato uno d'os prencipals pintors d'a Historia d'a pintura en Francia y en tot o mundo, y o maximo representant d'o estilo pictorico dito fauvismo (a tamas que tamién ye en bella traza un continador d'a tradición pictorica clasica francesa). Destacaba por o suyo caracteristico emplego d'a color y por a suya fluyideza en o trazo d'o debuixo.
En primeras, fació as suyas obras en un estilo academico, ta dimpués treballar o impresionismo, o puntillismo y o fauvismo, d'o qualo n'estió a prencipal cabeza vesible; continó siempre, aintro d'una heterodoxia, fidel a o fauvismo. En 1917 prencipió una etapa naturalista, de colors claras y luminosas i d'albandono de rechiras. Dimpués tornó en nueves rechiras de semplificación, en buscando acordes cromatics nuevos y mas fuerza en as linias y as colors. Dimpués accentuó l'audacia d'as colors fuertes, por contrastr de tonos u establindo una unitat de color. En zaguerías d'a suya vida practicó tecnicas como a dita tecnica d'os papiers col·lés. Tamién practicó o debuixo con lápiz y con pluma. Como gravador tién mas de cinco-cientas obras catalogatas en diferents tecnicas, y ilustró importants obras literarias francesas.[1]
Vinclos externos [editar]
Se veigan as imáchens de Commons sobre Henri Matisse.- (fr) Museu Matisse de Niza.
- (fr) Museu Matisse de Le Cateau-Cambrésis.
- (fr) Matisse en o Centro Pompidou.
- (fr) Obras de Henri Matisse (dominio publico en Canadá).
Referencias [editar]
