Guitarra ritmica

De Biquipedia
Ir ta: navego, busca
James Hetfield, guitarra ritmica de Metallica

A guitarra ritmica ("Rhythm guitar" en anglés) ye una guitarra que se fa servir ta mantener l'acompanyamiento ritmico y harmonico d'un cantaire mas que mas u ta atros instrumentos en una colla. O termin se refiere a l'uso d'o instrumento y no a la suya construcción. O papel d'a guitarra ritmica se puet considerar como o complemento d'a guitarra solista. Ye conoixita como segunda guitarra encara que no ye por ixo un guitarrista inferior.

Proposito[editar | editar código]

O papel d'una guitarra ritmica ye mantener o pulso u ritmo d'una canta, y proporcionar harmonía que da soporte a os atros instrumentos u voces, en contraste con a guitarra solista que proporciona a melodía. A guitarra en una canta puet estar asins clasificata como guitarra ritmica siempre que a suya función sía mas que mas ritmica u harmonica en puesto de melodica. Un guitarrista ritmico proporciona a capa de ritmo sobre a melodía tocata por un atro instrumento u cantata por una persona.

Por un regular s'aspera que o guitarrista ritmico toque una succesión d'acordes en a musica, dita "progresión d'acordes", arredol d'a que a canta se construye. A sobén iste acompanyamiento cordial se simplifica a un conchunto de dos u tres notas, a vegatas dito "riff", que se repite.

No bi ha denguna linia definita entre o guitarrista ritmico y o guitarrista solista, y si bi ha nomás un guitarrista en a colla, u si as cantas lo requieren, un mesmo guitarrista puet tanyer solos y ritmo en diferents momentos.

Se veiga tamién[editar | editar código]