Guerra Anglo-Zanzibariana
| Guerra Anglo-Zanzibariana | |
|---|---|
| [[]] | |
 O palacio d'o Soldán escachato dimpués de l'ataque. |
|
| Información cheneral | |
| Calendata: 09:00 - 09:45 hora local, 27 d'agosto de 1896 | |
| Puesto: Zanzíbar | |
| Resultato: Victoria d'o Reino Unito | |
| En conflicto | |
 Imperio Britanico |
 Zanzíbar |
| Soldatos | |
| Una flota naval con una cantidat esconoixita de soldatos | 2.800 |
| Baixas | |
| Alto u baixo 100 | Alto u baixo 500 |
A Guerra Anglo-Zanzibariana estió una batalla entre o Reino Unito y Zanzíbar o 27 d'agosto de 1896. Con una durada de 45 menutos, tien o record d'a guerra más curta quaternata en a historia.
A guerra se desvinió dimpués d'a muerte d'o Soldán Hamad bin Thuwaini o 25 d'agosto, qui yera presto a cooperar con l'administración colonial britanica; o suyo primo Jalid bin Bargash prenió o poder por meyo d'un golpe d'estato.
Os britanicos ordenoron a Bargash abdicar y faboreixeban a l'atro candidato, Hamud bin Muhammed, con qui creyeban que yera más fácil colaborar. Bargash refusó y formó un exercito con 2.800 hombres y o yate armato de l'anterior soldán, o H.H.S. Glasgow, que yera en o puerto. Mientres as tropas de Bargash yeran fortificando o palacio, a Armata Reyal reunió cinco naus de guerra en o puerto chunto a o palacio (tres crucers mudernos: un crucero acorazato de clase Edgar HMS St George, un crucero protechito de clase pearl HMS Philomel, un Crucero de clase Archer HMS Racoon; y dos Cargueros d'armas o HMS Thrush y o HMS Sparrow). Os britanicos tamién desembarcoron bellas companyías de Marins Reyals ta aduyar a os "leyals" un exercito de Zanzíbar, en total s'achuntoron 900 hombres en 2 batallons comandatos por o Cheneral Lloyd Mathews, un antigo tenient de l'Armata Reyal.
A tamas d'os esfuerzos d'o soldán por negociar a paz a traviés d'o representant estatounitense en a isla, as naus de l'Armata Reyal ubrioron fuego contra o palacio en o maitín d'o 27 d'agosto, dimpués de que rematara l'ultimátum britanico a las 9 a.m. Con o palacio esboldregando-se dencima d'ell y con muitos muertos, o soldán habió de retirar-se a escape a o consulato alemán, a on se le atorgó asilo. O bombardeyo s'aturó a os 45 menutos, quan o Glasgow se fundió.
Os britanicos desichioron a os alemans que entregaran a o soldán, pero iste escapó a la mar o 2 d'octubre. Vivió en o esilio en Dar es Salaam dica que estió preso por os britanicos en 1916 y exiliato a Mombasa, a on que morió en 1925.
Se veiga tamién [editar]
- A Guerra d'as Trescientas Trenta y Cinco Anyatas, talment a guerra más larga d'o mundo.
Vinclos externos [editar]
