Gran Scala

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Gran Scala yera un macroprochecto d'o consorcio ILD (International Leisure Development) pa emplazar un gran complexo d'entretenedera en Ontinyena (Cinca Baixa, Aragón).

Historia

O 12 d'aviento de 2007 se presentó o prochecto que se deciba que contaba con una inversión prevista de 17.000 millons d'euros y contemplaría a construcción de 32 casinos, 70 hotels, 6 grans parques tematicos (y 12 chicoz), museus, campos de golf, un centro comercial y un hipodromo. Os promotors asperaban que o complexo Gran Scala recibise 5,5 millons de turistas anyals en 2014 y 25 millons en 2020 cuan o prochecto se trobase finalizau, aspirando a convertir-se en a tercera ofierta mundial de casinos, dimpués de Las Vegas y Macau. A largo plazo s'asperaban chenerar 60.000 emplegos dreitos y 200.000 indireutos. A presentación tenió puesto en o Palacio de l'Alchafaría a la cual acudioron 700 convidaus y 180 periodistas. En a presentación d'o Gubierno d'Aragón se gastoron 176.600 euros, que posteriorment Adolfo Barrena, o portavoz d'Ezquierda Unida d'Aragón, sinyaló que se podeban haber construyiu tres escuelas infantils.

Manimenos se descubrió que a chent a o frent de ILD (Allegrini,Colus,Mark Campbell,Josep Carreras y Jaume Riera) yera en negocios turbidos con paradisos fiscals y sociedaz opacas.