Gnostizismo
De Biquipedia
O gnostizismo (d'o grieco Γνωστικισμóς: gnostikismós; de Γνωσις: gnosis, «conoxenzia») ye un conchunto de corrients sincreticas filosofico-relichiosas que plegoron a mimetizar-se con o cristianismo en os tres primers sieglos d'a nuestra era.
O gnostizismo esdebinió un pensamiento declarato eretico á la fin, dimpués d'una etapa de zierto prestichio entre os inteleutuals cristians. Encara que i aiga abito un gnostizismo pagán, o pensamiento gnostico més sennficatibo estió a branca cristiana d'o gnostizismo, una branca eterodoxa en o cristianismo primitibo.
En tiempos d'a caita d'o Imperio Román y embasions chermanicas Priszilián creyó una eterodocsia cristiana con base gnostica clamata Priszilianismo que enradigó en o norueste d'a Peninsula Iberica.
