Fracking

De Biquipedia
Ir ta: navego, busca
Representación esquematica d'o fracking.

O fracking (termin orichinal en anglés) u fracturación hidraulica ye una tecnica ta quitar gas de debaixo d'a tierra ficando-ne-ie augua a presión con substancias nocivas t'o medio ambient; o fracking se fa servir t'aconseguir gas natural a partir d'esquistos bituminosos a grans profundidatz de debaixo d'a tierra. A tecnica consiste en foradar un pozo a entre dos y cinco kilometros de fundo y inchectar-ne-ie a presión grans volumens d'augua, arena y productos quimicos ta trencar as napas de losetas y fer surtir o gas.

Risques[editar | editar código]

O sistema tien risques considerables. O mas perigloso ye que gran parti d'a mezcla liquida que s'inchecta no se recupera en rematar o proceso. Una parti blinca t'a superficie y una atra remane baixo tierra, con a consiguient contaminación d'aqüifers y atras capas freaticas, seguntes denuncian os ecolochistas.

Creticas[editar | editar código]

Bells 50 profesors y investigadors universitarios, en a suya más gran parti especialistas en Cheolochía y Hidrocheolochía, sinyoron en 2012 un documento d'alegacions contra ista practica. Entre os sinyants se i trobaban profesors d'a Universidat Jaume I, Universidat de Valencia, Universidat d'Alcala de Henares, Universidat de Sevilla, Universidat Complutense de Madrit, Universidat d'Alicant y Universidat de Zaragoza, entre d'atras.

Vinclos externos[editar | editar código]