Falca
De Biquipedia
A falca ye una maquina simpla formata por una pieza de fusta u de metal que remata en anglo diedro mui aguto. Tecnicament ye un dople plan enclinato portatil. Sirbe ta fender u dibidir cuerpos solidos, ta achustar u pretar un con l'atro, ta falcar-los u ta a emplir bela ralla u güeco.
O funzionamiento d'a falca responde á lo mesmo prenzipio que o d'o plan enclinato. Mobendo-se-ne enta la direzión d'o suyo estremo esmolato, a falca chenera grans fuerzas en sentito perpendicular á la direzión d'o mobimento. Istas son as fuerzas que s'aprofitan ta deseparar ochetos, u ta chenerar frizión e mantener a falca fixa á los ochetos con que ye en contauto.
Exemplos mui plateros de falcas son a estral, o sinzel e o clau, encara que en cheneral cualsiquier ferramenta esmolata, como lo cutiello u o tallo d'as estixeras, puet autuar como una falca.
Falca tamién ye o nombre que se da á una pieza publizitaria radiofonica. Ye dezir, o que en telebisión se diz popularment anunzio publizitario, en radio se diz falca publizitaria.
