Eocén

De Biquipedia
Ir ta: navego, busca
Nummulites, un chenero de fósils guía de lo Eocén.

Lo Eocén abarca dende fa bells 56 millons d'anyos dica fa bells 34 (55.8±0.2 a 33.9±0.1 Ma), y ye la segunda epoca de lo periodo Paleochén, precediu por lo Paleocén y succediu por l'Oligocén, totz en la era Cenozoica. En tierra firme representa lo tiempo entre l'aparicion de faunas de grans mamifers y la grande coupture, primera gran extinción que afecta a ista clase d'organismos.

Litoestratigrafía[editar | editar código]

Las rocas eocenicas mas caracteristicas son en facies neriticas las calsineras nummuliticas y las d'alveolinas. En las zonas "cheosinclinals" predominan las formacions de flysch.

Las facies continentals mas abundants son los almendrons, las arenitas y los sallagons con cheso.

Paleocheografía[editar | editar código]

A la fin de lo Eocén se produció una fase de deformación en los Alpes que segurament fació que se crebase la circulación entre la Mar de Tethys y l'Atlantico, lo que contribuiría refridar lo clima.

Paleoclimatolochía[editar | editar código]

Fa 40 Ma se rechistran las primeras corrients de fondón en l'Antartida. Fa 35 Ma se rechistran las primeras cheleras en l'Antartida Oriental. Los ocians s'enfrían de sopetón, (bells 4 °C). En los continents septentrionals apareix un clima estacional.

Actividat orochenica[editar | editar código]

Se produció una gran actividat magmatica, y en son eixemplos los batolitos de Nuevo Mexico y los Andes meridionals, los basaltos de la India y las Andesitas de los Carpatos.

Biosfera eocena[editar | editar código]

Ilustración con fauna eocenica de Norteamerica.

En las plataformas continentals abundan los Nummulites. En medios continentals destacan los mamifers. Bi ha una radiación de primates.

A la fin de lo Eocén se produce una extinción masiva conoixida como la grande coupture, que beluns relacionan con un cambio climatico (baixada de la temperatura en las mars de 4 °C), y atros con una colisión d'un asteroide (anomalía de siderofilos acompanyada por esferulas de diferents midas), y mesmo con erupcions fisurals en l'ueste de Norteamerica. Esta extinción afectó muito a los mamifers grans, y la distribución de continents contribuyó muito, por no haber-ie comunicación terrestre directa entre los continents septentrionals y los meridionals, lo que fació que muitas especies no podesen trobar refuchio en arias mes calidas d'os continents meridionals.

Bibliografía[editar | editar código]