Disco duro
De Biquipedia
Un disco duro (en anglés Hard Disk Drive u HDD) ye un dispositibo d'almadazenamiento no bolátil. Se bi alzan grans cantidaz de datos dichitals en a superfizie magnetizata d'os diferents discos (platter) que tien, os cualos chiran á gran belozidat. Fa parti d'a maquinaria d'a mayoría d'os ordinadors autuals. Entre os diferents tipos de memorias ye clasificato como memoria secundaria.
As carauteristicas prenzipals d'un disco duro son a suya capazidat d'almadazenamiento (autualment dende bels gigabytes (GB) dica un terabyte (TB), a suya belozidat de transferenzia (throughput, en MB/s), e o tiempo d'azeso (en ms), que ye condizionato por a belozidat de rotazión (rpm u rotazions por menuto).
L'adchetibo duro les s'aplica en contraste con os floppy disks u discos flecsibles, anteriors á los discos duros.
En 1956 os discos duros aparixioron por primera begata en o mercato d'a man d'IBM. Orichinalment yeran desembolicatos ta ordinadors de proposito cheneral.
En o sieglo XXI, as aplicazions d'os discos duros s'han enamplato dica encluyir maquinas de bidio, reprodutors d'audio, PDA's, maquinas de fotos e bidioconsolas. En 2005 se presentó lo primer mobil que encluyiba disco duro, fabricato por Samsung e Nokia.
A nezesidat de sistemas d'almadazenamiento á gran escala que estasen fiables e independients d'un dispositibo en particular, ha lebato á la introduzión de nuebas configurazions, como los RAID (Redundant Array of Independent/Inexpensive Disks).
