Dinastía Hohenstaufen

De Biquipedia
Ir ta: navego, busca
Armas d'a Casa de Hohenstaufen

Os Hohenstaufen (u os Staufer(s)) estioron una dinastía de reis chermanicos (1138-1254), y muitos d'ellos tamién fuoron coronatos emperadors d'o Sacro Imperio Román Chermanico y duques de Suabia. En 1194 os Hohenstaufen tamién esdevinioron reis d'o Reino de Secilia (Secilia y Nápols).

A dinastía recibe o nombre d'o Castiello de Hohenstaufen, situato en o mont d'o mesmo nombre a man de Göppingen (Suabia), que fue costruito por o primer miembro conoixito d'esta dinastía: Frederico I Barbarroya, duque de Suabia.


Fin d'a dinastía Hohensatufen[editar | editar código]

Conrado IV fue sucedito como duque de Suabia por o suyo solo fillo, o infant de dos anyatas Conrado. En ixos tiempos o títol de duque de Suabia ya yera adhibito de tot en o de rei, y sin l'autoridat reyal se trobaba bueito de contenito. En 1261 os intentos de coronar rei a lo choven Conrado (conoixito como "Conradín") resultoron inutils. Conradín fue executato en 1268 dimpués d'un intento fracasato de recuperar o control de Secilia. Con él a casa de Hohenstaufen y o ducato de Suabia desapareixioron.

Os dreitos d'os reis d'Aragón[editar | editar código]

A la muerte de Conradín o herencio d'a casa de Hohenstaufen yera por vía ilechitima. Frederico II heba tenito dos fillos con Blanca Lancia, Enzio, efimero rei de Cerdenya, y Manfredo, casato primero con Beatriz de Savoya y dimpués con Helena, y que tenió dos fillas: Gonstanza y Beatriz. Gonstanza estió a muller de Pero III d'Aragón.