Descusión usuario:Mostolay

Me meto en contato con bustés ta que faigan a fabor de fuerachitar, abentar e barrar a mía pachina de Chesús de Mostolay, por estar plena d'incoderenzias, errors ortograficos y d'emplegar unas normas graficas foscas, embolicatas, mica prauticas e, o que encá ye pior, no azeutatas ni emplegatas por garra chen dillá de os cuatro "imbentors" d'as mesmas; antimás de no contar con una ofizialidá ni aprebazión cheneral. Pero ro que encara ye pior ye a imposizión ditatorial que dende ixa organizazión, u o que sigan, nos aforza á todas as presonas que no azeutamos ixas normas barbaras e retrogradas, no permitindo espresar-nos-bi libremén en a grafía cheneralizata e normalizata con a que dende fa ya cuaranta añadas nos benimos comunicando toz os aragonesofablans. Ruego, pues, encarezitamén que eliminen a mía pachina de Chesús de Mostolay e todas en as que yo pueda estar embolicato, ta no continar colaborando con o mío nombre e a mía presona en a espardidura de tan inazeutables y escuentraditorias normas graficas como as que dende as suyas pachinas fomentan e obigan.

Chesús de Mostolay

Bloqueyo

He bloqueyato a suya cuenta por spam. No se puet meter en 8 u 10 puestos diferents ixe mensache, sin tener garra relación denguno d'os puestos con o tema que vusté comenta. Astí tien vusté o suyo comentario, que yera o solo puesto a on podía fer-lo, mesmo que podía fer-lo en ista pachina de descusión d'usuario. --Manuel Trujillo Berges 12:43 5 nov 2010 (UTC)

Adhivo a l'anterior que si se reincidise en ixa actitut, o bloqueyo estará más largo. Os temas cal tractar-los en os puestos adequaus, y siempre sin incurrir en o copy-paste d'os contenidos u mensaches en diferents puestos, de manera sistematica. Isto ye lo que se conoix como «spam». Tot isto no ye una norma de nusaltros, si no de totas as wikipedias. Un saludo. --Lascorz (Quiers cosa?) 13:01 5 nov 2010 (UTC)

Siño Trujillo:

No creigo que con o correyo mío falte á denguno, e menos si se contimpara con a falta de respeto que suposa ta ra presona que i metió l'articlo sobre a mía presona (que esconoxco quí ye) e ta yo barrar a grafía normalizata en a que bi yera escrito e obligando-nos á azeutar ixa nueba imbentata por cuatro "luminatos". O que se i da ye que á lo millor, siño Trujillo, busté no gosa conoxer o caráuter altoaragonés, ya sape: "o tozino blanco e o bino ranzio"; asinas somos: as cosas claretas.

Como beye soi un pecador irremiso, asinas que ista begata, por fabor, siño Trujillo, castigue-me con más d'un día cara ta ra paret: castigue-me ta cutio, ¡por malo, malo e retemalo! ¡Au! Asinas no cayere más en a tentazión de zurziquiar en o suyo monopolio. Ixo sí, antis de amortar-me ta cuito, como ro suyo monopolio de libre en tiene bien poquet, premita-me aconsellar-li tres posibles nombres más acordis con a reyalidá de o suyo monopolio, siño Trujillo: A Biquipedia no pas libre; A Biquipedia mía e sólo que mía (e foi con ella o que me peta), u a Biquepedia Trujillo (1891-1961).

Chesús de Mostolay

Segundo bloqueyo

Como ya se li heba dito, en tornar a fer spam por segona vegata en a Biquipedia cal bloqueyar una atra vegata a suya cuenta. Ista vegata no por un día, so que por una semana, a veyer si asinas vusté puet aprener a no fer spam y a explicar as cosas con educación. De tornar-ne, como ya se li heba dito, o bloqueyo será mas largo. --Manuel Trujillo Berges 09:15 17 nov 2010 (UTC)

Soi d alcuerdo con o bloqueyo. Yo hese feito o mesmo. Mos sobran os fanaticos y exaltaus que vienen a malmeter con falta de criterios y de respecto a qui treballa totz os dias aqui. --EBRO 10:24 17 nov 2010 (UTC)

Pero bueno a veyer... sinyor Mostolay (si ye que ixe ye o suyo verdadero nombre), se creye vustet que un articlo ye propiedat d'a persona sobre la que tracta u que?... como habríanos de saber nusatros que qui diz ye ixe personache ye en realidat ell... eixemplo, si agora dentra en a Biquipedia una persona decindo que ye Chuana d'Arco y que quiere que se borre o suyo articlo porque no le cuaca como ye escrito hemos de borrar-lo nusatros?... qui nos guarancia que un usuario dito Chuana d'Arco sía en realidat ista persona y no una persona que ye en contra de Chuana d'Arco?? ... lo mesmo, como podemos saber nusatros que vustet ye o verdadero Mostolay y no atra persona que quiere que borremos o suyo articlo???... en qualsiquier caso, encara que vustet estase o verdadero sinyor de qui parla l'articlo no ye una razón ta borrar-lo, aquí os articlos no son ta que les faigan goyo a las personas de qui charrar... ye mentira o conteniu de l'articlo? se difama contra o escritor? NO... ixas serían as unicas razons por as que se podría protestar... por a grafía??? NO... ye una situación absurda de tot... si l'articlo ye bien escrito y con datos autenticos no bi ha garra razón ta borrar-lo. --Willtron (?) 14:16 17 nov 2010 (UTC)

Normas d'ortografía oficials en a Biquipedia

Quiesto usuario Mostolay, antis de continar con as suyas sinconisions, li caldría de leyer as normas d'o puesto an que vusté se troba y que os administradors d'a Biquipedia hemos de cumplir y fer cumplir, mesmo a qui se creye estar-ne por dencima d'as normas basicas de comportar-sen. As suyas opinions prou que sí que son libres pero astí no ye puesto a on espardir as propias opinions presonals. Si vusté creye ixas cosas sobre as normas ortograficas de l'aragonés, no ye en a Biquipedia a on ha de protestar, sino que li cal fer-lo en a entidat que aprebó as normas. Tamién protestará vusté por a reforma ortografica d'o castellán que ha feito a suya Acedemia fa bells días, o en o caso d'ixa atra luenga sí que accepta os cambeos?. --Manuel Trujillo Berges 09:36 17 nov 2010 (UTC)

D'alcuerdo de tot... nusatros no somos os creyadors d'a grafía,... asinas que no podemos acceptar creticas... ixo les ne diz vustet a os academicos... En qualsiquier caso igual yera millor l'atra grafía... ta parlar de tocins, uellas, chiflos y chuflainas igual sí... pero ista luenga se puet y se debe fer servir ta tot... y os que escribimos sobre matematicas, historia, biolochía,... hemos trobau en ista nueva grafía una aina que nos permite escribir igual que a resta de scientificos d'atras luengas romances y no como si estásenos parlando siempre con l'aladro y os bueis (con tot os mios rispetos a la chent rural). Salut! --Willtron (?) 14:16 17 nov 2010 (UTC)