Cubilar de montanya

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cubilar d'Estós, en o Pireneu aragonés.
Cubilar de Rabadá y Navarro en Camarena de la Sierra, Aragón.

Un cubilar de montanya u refuchio de montanya ye un edificio destinau a alochar y protecher de l'orache a alpinistas u excursionistas, que se sitúa en zonas de montanya, por un regular de dificil acceso, u en nuclios rurals. A mayoría d'istas instalacions son chestionadas por un club alpín.

Caracteristicas[editar | modificar o codigo]

As caracteristicas d'os cubilars de montanya son muit variables: existen cubilars muit basicos, d'o tipo dito bivac, que nomás consisten en un teito con paretz, destinaus nomás a acubillar a os escaladors en zonas d'alta montanya.[1] Se troban siempre ubiertos y qualsiquiera que los ameniste puet fer-los servir.[2]

Os cubilars organizaus son a cargo d'un u más emplegaus, y ufren servicios basicos d'alochamiento y venda de bella bebida y comidas.[3] Son dividius en cuantas cambras independients, y son de fusta u piedra d'o mesmo puesto, encara que ocasionalment pueden estar de ladriellos, u estructuras prefabricadas. Gosan poseyer escusaus de tipo rustico, cocina comunitaria y alochamiento, compartindo a cambra con a resta de montanyers.[2] En l'actualidat, a mayoría tien bella mena de chenerador electrico u panels solars, y contan con una emisora en caso de problemas. A mayoría d'os cubilars nomás son accesibles a piet u a caballo, encara que existen beluns a os que se i puet arribar con auto por camins precarios.[4]

Enta zaguerías d'o sieglo XX se desenvolicoron cubilars que encluyen servicios propios d'hotels, por eixemplo ufrindo comidas, encara que o suyo confort contina estando rustico.

A mayoría son propiedad d'un club alpín o club andino, que ufre descuentos a os suyos socios. D'a suya gestión s'encargan os guardas, nombraus por o club. Istos guardas pueden habitar en o cubilar de forma permanent u bien, por o suyo dificil acceso u mientres a temporada d'hivierno, ocupar-se periodicament d'o suyo mantenimiento.

Se veiga tamién[editar | modificar o codigo]

Referencias[editar | modificar o codigo]

  1. (es) Inauguran en el Aconcagua el refugio más alto del mundo. Diario Clarín, 8 de chinero de 2011
  2. 2,0 2,1 (es) Refugios y cámpings. Club Andino Bariloche
  3. (es) Refugio de la Renclusa. Los Pirineos.info
  4. (es) Refugio Berghof. Club Andino Bariloche