Chusé Antón Santamaría Loriente

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chusé Antón Santamaría Loriente
Información personal
Calendata de naixencia	1950
Puesto de naixencia	Ayerbe (Plana de Uesca, Uesca)
Alma Máter	Universidat de Zaragoza
Ocupación	Escritor y poeta

Chusé Antón Santamaría Loriente, naixito d'Ayerbe, (Plana de Uesca) en l'anyo 1950, diplomato en Machisterio y licenciato en Filolochía Francesa, treballa como profesor de luenga castellana y francés en un colechio de Zaragoza y ye actualment coordinador d'a Sección de Luengas d'o Rolde de Estudios Aragoneses y miembro d'o Consello d'a Fabla Aragonesa.

Colabora en as revistas Comarca d'a Galliguera, Papirroi, Fuellas, u Luenga & fablas con articlos como "Paremiolochía arredol de l'azeite en aragonés" (2008), "Ironía, sarcasmo e paradoxa: reflexo de o caráuter en a paremiolochía aragonesa" (2008-2009), "La literatura infantil en aragonés" (2010), "Redolada. Palabras de casa nuestra" (2011), "Locuzions latinas en a lengua de casa nuestra" (2012) u "A utílizazión de testos liricos en una clase d'aragonés alazetal. Condicions lingüisticas e metodolochicas ta afaborir estruturas de combersa" (2013-2014).

Ye poeta y escritor. Ha publicato bels relatos curtos como Sopas de tremoncillo (2007), In verbo tuo (2009), os poemarios As trias d'as alas (2005) y Güello de paxaro (2007). Ha ganato lo premio Lo Grau de Poesía en 2009 con a obra Arpa de bronce, y o Premio de Relatos "Luis del Val" en 2010 con o relato curto A zagaleta que no conoixeba o mar.

D'a suya ampla obra, cal destacar os libros:

• Chugar e charrar (2003), materials d'amostranza creyativa,
• Tradizión oral d'Ayerbe, con 600 refrans y frases feitas,
• Refrans, frases feitas, ditos y expresions de l'Alto Aragón (2004), con 1.300 eixemplos de microliteratura,
• Aragonés ta primaria (2013), un manual pa aprender aragonés.
• Aragonés en l'aula (2017), Zaragoza, Aladrada.
• Sapienzia en purnas. L'añada en o refranero altoaragonés (2017).
• Ninas, ninos: a chugar!!! (2017), Zaragoza, Gobierno de Aragón.

Vinclos externos

• "Chugar e charrar". Materials de refirme ta ra creyatibidá en Luenga Aragonesa.
• Santamaría Lorente, Chusé Antón (2010), "La literatura infantil en aragonés", Rolde · Revista de Cultura Aragonesa, nº 132, enero-marzo 2010, pp. 28-37
• El aragonés en la escuela. Libro de Texto.

• Datos: Q3572066