Bon Adrien Jeannot de Moncey

De Biquipedia
Ir ta: navego, busca
Bon Adrien Jeannot de Moncey
31 de chulio de 1754 - 20 d'abril de 1842
O mariscal Moncey
O mariscal Moncey.
Información personal
Embotada {{{embotada}}}
Puesto de naixencia Royal Standard of King Louis XIV.svg Palise u Moncey (Doubs, Francia)
Puesto de muerte París (Francia)
Información melitar
Leyaltat {{{leyaltat}}}
Anyos de servicio {{{servicio}}}
Rango Mariscal de Francia
Mandos
Unidat
Batallas/guerras Guerras revolucionarias francesas
Guerras napolionicas
Guerra d'o Francés
Premios Ducato de Conegliano
Par de Francia
Atras funcions

Bon Adrien Jeannot de Moncey, naixito (seguntes as fuents) de Palise u de Moncey (Doubs) o 31 de chulio de 1754 y muerto o 20 d'abril de 1842 en París, estió un melitar francés, activo en as Guerras revolucionarias francesas y en as Guerras napolionicas que plegó a o rango de mariscal de Francia y fue nombrato par de Francia y duque de Conegliano o 2 de chulio de 1808.[1] L'apellido Moncey tien o suyo orichen en un lugar que la suya familia heba comprato a o marqués de Cheylard.

En l'Antigo Rechimen[editar | editar código]

Bon Adrien Jeannot de Moncey yera fillo d'un advogato de Besançon, en o Franco Condato. Quan teneba 15 anyadas, fuyó d'a suya casa ta enrolar-se en un Rechimiento de Infantería, en sirvindo como granader dica 1773, quan compró a suya licencia ta estudear Dreito. Sindembargo, en 1774 dentró en a Chendarmería d'a Guardia Reyal, a on estió dica 1778. En 1779 yera sotstenient en una unidat d'infantería, segundo tenient en 1782 y tenient en 1781, estando capitán en 1791, ya dimpués d'a Revolución Francesa.

Guerras d'a Revolución francesa[editar | editar código]

En 1793, Moncey s'incorporó a l'Exercito d'os Pireneus Occidentals, luitando contra as tropas d'o Exercito espanyol en as mugas d'o País Vasco y Navarra con Francia. Fue destinado a una unidat clamata de Cazadors cantabros, encara que dimpués manó as unidatz clamatas de Cazadors vascos en a esfensa d'os puertos d'os Pireneus a man de Sant Chuan Piet de Puerto, fendo una fuerte esfensa que impidió l'abance d'as tropas espanyolas en Francia, en momentos de debilidat d'as tropas francesas. Os cazadors yeran en ixas envueltas una infantería liuchera que luitaba a piet, y os cazadors vascos yeran orichinalment milicias de voluntarios. As suyas tropas se distinguioron tamién en as luitas arredol de Hendaia en 1794. Asinas, o 18 de febrero de 1794 Bon Adrien Jeannot de Moncey fue nombrato cheneral de brigada, encara que a titol provisional. En chunio fue nombrato cheneral de división, apoderando-se d'os puertos dos Pirineus y trescruzando la muga ta dentrar en as vals d'a versant espanyola.

O 30 d'agosto de 1795 manaba l'Exercito d'os Pireneus Occidentals, redotando a las tropas espanyolas, que fació fuyir dica o río Ebro, prenendo Bilbau o 17 de chulio de 1795. En rematar ista guerra, fue acusato de tener ideyas politicas monarquicas y d'estar un reyalista, encara que en 1799 yera rehabilitato, manando un cuerpo d'exercito en o Exercito d'Italia con un chóven Napolión Bonaparte, prenendo parte en a batalla de Marengo o 14 de chunio de 1800.

Guerras napolionicas[editar | editar código]

Restauración[editar | editar código]

Monarquía de Chulio[editar | editar código]

Referencias[editar | editar código]

  1. (fr) Tulard, Jean: Napoléon et la noblesse d'Empire. Avec la liste complète des membres de la noblesse impériale (1808-1815), París, 1979 (pachina 177).


Mariscals d'o Primer Imperio Francés
Berthier | Murat | Moncey | Jourdan | Masséna | Augereau | Bernadotte | Soult | Brune | Lannes | Mortier | Ney | Davout | Bessières | Kellermann | Lefebvre | Pérignon | Sérurier | Victor | Macdonald | Oudinot | Marmont | Suchet | Gouvion-Saint-Cyr | Poniatowski | Grouchy