Berons

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Berons  (†)
Berones
Periodo
Edat Antiga
Rechions actuals
La Rioja
Sud de Navarra
Norte de Soria
Alaba.
Idiomas
Celtibero
Pueblos relacionaus
Celtibers y atros pueblos celtas
Mapa

   Berons en Celtiberia

Os berons (berones en latín) fuoron un pueblo prerromano en as edaz de Bronce y de Fierro d'a peninsula iberica. Tanto as fuents clasicas,[1][2] como os investigadors modernos,[3][4] consideran que os berons yeran un pueblo celta, encara que no incluyiu entre os pueblos celtibers.

As mugas cheograficas d'ista etnia son imprecisas, abarcan un gran territorio en a depresión d'Ebro dende a sierra de Cantabria dica o río Cidacos, ocupando parti d'as actuals Alaba, Burgos, La Rioja y Navarra. Ciudaz importants d'iste pueblo estioron Oliba u Lybia,[5] Tritio Metallo y Varia, ista zaguera a suya urbe prencipal[6][7][8] identificada con o chacimiento arqueolochico de La Custodia en o termín municipal de Viana en Navarra, podendo estar o suyo castro esfensivo situau en l'amanau Mont Cantabria.[9] Posteriorment, en l'antiguo territorio berón y chunto a o puesto a on yera Varia sería fundada a población romana de Vareia, d'alcuerdo a bellas hipotesis.[9]

Fuoron descritos por historiadors como Ptolomeu, Estrabón, Aulo Hircio u Tito Livio entre atros. Tito Livio os nombra en o relato d'as Guerras Sertorianas de l'anyo 76 aC[10] como enemigos de Sertorio y o suyo exercito. Estrabón fa referencia a la suya identidat explicitament celtica[11] y Aulo Hircio, en o suyo libro Bellum Alexandrinum describe a bravura y posterior fidelidat a Roma d'os guerrers berons.[12]

Desapareixe como pueblo en as fuents clasicas en l'anyo 72 aC dimpués d'a fin d'as guerras sertorianas, encara que bellas poblacions mantienen mientres bel tiempo a suya cultura debiu a una romanización tardana.

Referencias[editar | modificar o codigo]

  1. ↑ ESTRABON: "Geografía", III, 4, 12. "...a o norte d'os celtibers, mugando con os cantabros coniscos, habitan os berons, naixius tamién d'a emigración celtica". "ex transmigratione celtica" (sic.)
  2. ↑ ESTRABON: "Geografía", III, 4, 5. "...os celtas que agora se dicen celtibers y berons..."
  3. ↑ (en) The Celts in Iberia: An Overview. Alberto J. Lorrio, Gonzalo Ruiz Zapatero. e-Keltoi, Volume 6
  4. ↑ (es) MARCO SIMÓN , F., op. cit. p. 74 . La problemática de la pertenencia o no de los berones a los celtíberos en VILLACAMPA RUBIO , M.A., op. cit. pp. 29 y 30 “De garra modo se puet deducir d'a cita d'Estrabón, como fació Hübner, que os berons fan parti d'os celtibers, independientement d'os rasgos comuns en a cultura material. Ye posible que en un primer momento os autors grecolatins podesen haber-se referido tamién a os berons como "celtibers" (prenendo iste termín en sentiu cheografico, como "celtas" d'Iberia); pero ye claro que dimpués d'a obra de Posidonio –primerías d'o sieglo I aC– y dende dimpués en a epoca augustea en a que escribe Estrabón, que se basó sin dandalos en l'autor anterior, o termín de celtibers s'ha concretau ya y s'aplica a uns pueblos especificos como os pelendons, os arevacos, os belos u os lusons de Moncayo”
  5. ↑ (es) MARCOS POUS, ALEJANDRO: Trabajos arqueológicos en la Libia de los Berones.
  6. ↑ PTOLOMEO, CLAUDIO: Cheografía, 1. II. Capitol 6 "...baixo os autrigons habitan ciertament os berons entre qui son as ciudaz de Tricio Metalo, Oliba, Varia. Baixo os pelendons y berons son os arevacos."
  7. ↑ ESTRABON: Cheografía, III, 4, 12. "...y la ciudat prencipal ye Varia, sita chunto a un puent que trescruza l'Ebro".
  8. ↑ ITINERARIA ANTONINI AUGUSTA, o burdigalense, Ed. Otto Cuntz, Leipzig (1929). A on s'enumeran ciudaz de paso en cuantos itinerarios como o intitulau Itinerarium Provinciarum. Gallia-Hispania con numers 393 y 394 se citan entre atros Calagorra, Vereia, Tritio, Lybia, Segesamunclo, Verovesca....
  9. ↑ 9,0 9,1 PASCUAL FERNÁNDEZ, JESÚS MARÍA: Origen de la ciudad de Logroño: historia antigua del municipio logroñés. Logronyo (1991). Ed. Pevisa. ISBN 84-604-0951-1
  10. ↑ LIVIO, TITO: Ad Urbe Condita Libri.
  11. ↑ TARACENA AGUIRRE, BLAS: La antigua población de La Rioja, A.E.A., XIV, Madrid (1941), pp. 157 y ss. "...tan pocas trazas son prous para corroborar a prochenie celtica que Estrabón asigna a os berons, habitants anterromanos d'a mayor extensión de La Rioja, restas d'a primera invasión centroeuropea en a Peninsula Iberica, que probablement por Roncesvals y a traviés d'as planas navarras, os rasals d'Ebro y os pasos d'a serranía soriana, enta l'anyo 900 aC, se desbordó en a Meseta a on quedó aislada dica sofrir a invasión d'a nueva oleada celtica d'arevacos y a fusión que produciron os celtibers, mientres que en La Rioja se conservaría a etnia orichinaria evolucionando sobre os suyos propios elementos dica tiempos d'as fuents d'Estrabón."
  12. ↑ HIRCIO, AULO: Bellum alexandrinum, C.U.F., Paris (1954). Nombrando a Quinto Casio Longino legau de Chulio César y propretor d'a Hispania Ulterior, que teneba siempre berons como guardia personal cita "...s'acude pa esfender a Cassio, pues s'heba acostumbrau a tener siempre con él muitismos berons feitos venir con as suyas sayetas. Toz os demás que veniban a asasinar-le son rodiaus por istos".

Bibliografía[editar | modificar o codigo]

  • (es) MARCOS POUS, ALEJANDRO: Miscelánea de Arqueología Riojana. Imprenta Moderna, Logronyo (1973). ISBN 84-400-6782-8
  • (es) GIL DEL RÍO, ALFREDO: Los berones, a la búsqueda del pasado. (1988). ISBN 84-404-1338-6
  • (es) VILLACAMPA RUBIO, MARÍA ANGUSTIAS: Los berones según las fuentes escritas. Editorial Ochoa, Logronyo (1980). ISBN 84-7359-093-7
  • (es) PASCUAL FERNÁNDEZ, JESÚS MARÍA; SAN MIGUEL NAVARRO, LUIS CARLOS Y GAJATE GARCÍA, JOSÉ MARÍA: La Beronia (1998). ISBN 84-605-8967-6
Obteniu de "https://an.wikipedia.org/w/index.php?title=Berons&oldid=2114763"