Arte visigodo

L'arte visigodo ye o conchunto d'as manifestacions artisticas d'o pueblo visigodo u d'os pueblos sozmesos a ellos en Hispania y sud de Galia. Este pueblo chermanico se fació present en a Peninsula Iberica a principios d'o sieglo V, anque no consolidoron a suya condición de gubernants d'o Reino hispano-visigodo dica un sieglo dimpués.

As manifestacions artisticas d'o pueblo visigodo, en especial as arquitectonicas, tasament se troban antes d'o sieglo VII. Ye a partir d'alavez quan se puede charrar propiament d'un arte visigodo.

Arquitectura visigoda

Ilesia de San Per de la Nave, en a provincia de Zamora.

Antes d'o sieglo VI nomás cal cuaternar en a Peninsula Iberica, una chiqueta ilesia a Sant Cugat del Vallès (Barcelona). Encara que prou deteriorada, amuestra una planta de nau unica, rematada en un abside. D'o sieglo VII son datatas as ilesias de San Pedro de la Nave (á Zamora), San Juan de Baños (á Palencia) y Quintanilla de las Viñas (á Burgos), con trazas que se veyen repetidas, sieglos dimpués, en atros templos que se dicen de "l'estilo de repoblación" (mal clamaus mozarabes).

Atros templos visigodos d'o sieglo VII en o Estau Espanyol son San Cebrián de Mazote (Valladolit), San Miguel de la Escalada y Santiago de Peñalba (á Leyón). Respetibe a l'arquitectura, seguiban basicament as tradicions paleocristianas de l'arquitectura relichiosa. En Aragón no se troban templos destacables d'iste estilo.

No son pas muitas as construccions visigodas que han plegau ta os nuestros diyas, y entre ellas, quasi denguna d'as grans construccions feitas en os nuclios metropolitans como Toledo, Sevilla u Merida. Os edificios han plegau dica hue son, en cheneral, ermitas u templos rurals de segunda clase. Manimenos, premiten entresacar os carácters propios de l'arte visigodo:

• Templos preferentment con planta basilical u de cruz griega. Bellas vegadas se troba una conchunción d'as dos desposicións. Espacios muito trestallaus.

• Abside rectangular en o exterior. En cada costau podeba aber-ie una cambra destinada ta sacristía (protesis y diakonikón). A capiella yera separada d'o templo por un iconostasio.

• Arcadas de ferradura, cheneralment sin de clau, con un tradós vertical en a zona peraltada. elevación d'1/3, y salmer con as primeras dovelas de plans horizontals.

• Uso de columnas y pilars como suportes. Chapitels corintios muito simples u, bellas vegadas, troncoconicos inversos, con amplos cimacios que ancoran en os muros.

• Templos cubillaus con vueltas de canyón, a más de cupulas sobre os cruzers.

• Paretz de piedra picata, formada por grans bloques prismaticos aparelladas en ixuto con baguera y tizón. Ocasionalment a piedra picata alterna con ladrillo a l'estilo clasico román.

• Decoración con frisos de rolios, religadas, y temas vechetals u animals.

• Chiquetz porticos a os piez u en os costaus d'o templo.

Os edificios más representativos son:

• Ilesia de San Per de la Nave en San Pedro de la Nave-Almendra (Zamora).
• Ilesia de Santa Comba de Bande (Ourense).
• Ilesia de Sant Chuan Batista de Baños de Cerrato (Palencia).
• Cripta de San Antolín en la Seu de Palencia (Palencia);
• Ilesia de San Per de la Mata de Sonseca (Toledo).
• Ermita de Santa María de Quintanilla de las Viñas (Burgos).

Se veiga tamién

• Pueblo visigodo
• Hispania visigoda