Anthony Perkins

De Biquipedia
Ir ta: navego, busca
Anthony Perkins
O actor estatounitense Anthony Perkins, en una imachen d'a cinta The Tin Star (1957)
O actor estatounitense Anthony Perkins, en una imachen d'a cinta The Tin Star (1957)
Información personal
Calendata naiximiento: 4 d'abril de 1932
Puesto naiximiento: Flag of the United States.svg Nueva York (Nueva York, Estatos Unitos)
Calendata muerte: 12 de setiembre de 1992
Puesto muerte: Flag of the United States.svg Los Angeles (California, Estatos Unitos)
Conchuche: Berry Berenson (1973-1992)

Anthony Perkins, naixito de Nueva York (Nueva York) o 4 d'abril de 1932 y muerto en Los Angeles (California) o 12 de setiembre de 1992, estió un actor estatounitense. A suya obra mas conoixita ye a interpretación d'o papel de Norman Bates en a cinta Psycho, dirichita por Alfred Hitchcock.

Os suyos oríchens[editar | editar código]

O pai d'Anthony Perkins, Osgood Perkins, yera un actor teatral que yera conoixito en os ambitos tetrals de Broadway, en a ciudat de Nueva York. Quan o suyo pai morió, en 1937, o choven Anthony dentró en o mundo d'o Teatro, continando con la profesión paterna, encara que en os anyos 1950 a suya carrera teatral no heba estato un gran exito, alternando chicotz trumfos con muitas representacions sin garra cosa a destacar.

Dentrada en o mundo d'o Cine[editar | editar código]

A suya primera partecipación en o mundo d'o Cine estió en 1953 en a cinta The Actress, dirichita por George Cukor, a on interpretaba o papel de novio de Jean Simmons y a on compartiba a escena con actors como Spencer Tracy u Teresa Wright.

Mientres d'os anyos 1950, Anthony Perkins interpretó papels poco destacatos en cintas menors, a sobén westerns, destacando nomás entre istas cintas o suyo papel en Friendly Persuasion, dirichita por William Wyler, con actors como Gary Cooper, Dorothy McGuire, Richard Eyer, Robert Middleton, Phyllis Love, Peter Mark Richman u Marjorie Main. Ixa cinta recibió a Palma d'Oro d'o Festival de Cannes en 1957.

A suya consagración[editar | editar código]

O prencipal papel d'Anthony Perkins estió, sin garra dandalos, a suya interpretación d'o presonache de Norman Bates en a cinta Psycho, dirichita por Alfred Hitchcock, una cinta de cine d'intriga rodata en blanco y negro ta subrayar o xorrontamiento d'as suyas escenas. En ista cinta treballó con actors destacatos, como Janet Leigh, Vera Miles, John Gavin y Martin Balsam.

Dimpués de Psycho, rodó en 1961 Goodbye Again, una cinta dirichita por o director Anatole Litvak con Ingrid Bergman y Yves Montand, recebindo o Premio a o Millor Actor d'o Festival de Cine de Cannes en 1961.

Periodo en o Cine europeu[editar | editar código]

Dezaga treballó en Phaedra (1962), una cinta d'o director Jules Dassin con Melina Mercouri y Raf Vallone; y tamién en Le Procès, una superproducción europea dirichita por Orson Welles, con o propio Orson Welles y Romy Schneider.

Continó a suya carrera en Europa con a cinta Paris brûle-t-il ?, dirichita por René Clément con guión adaptato d'o libro homonimo de Larry Collins y Dominique Lapierre, con Jean-Paul Belmondo, Charles Boyer, Leslie Caron, Jean-Pierre Cassel, George Chakiris, Bruno Cremer, Claude Dauphin, Alain Delon, Kirk Douglas, Pierre Dux y Glenn Ford.

A tamas d'a suya homosexualidat, en 1973 casó con a directora de fotografía Berry Berenson (chirmana de l'actriz Marisa Berenson), con qui tenió dos fillos.

Dende ixe inte, a carrera d'Anthony Perkins continó con cintas poco destacatas, y dende 1985 teneba constancia de que teneba a malautía d'o SIDA, malautía que finalment remató con a suya vida o 12 de setiembre de 1992 en o vico de Hollywood d'a ciudat de Los Angeles (California).

Filmografía[editar | editar código]

Anyos 1950[editar | editar código]

Anyos 1960[editar | editar código]

Anyos 1970[editar | editar código]

Anyos 1980[editar | editar código]

Anyos 1990[editar | editar código]

Vinclos externos[editar | editar código]