Anette Olzon

De Biquipedia
Ir ta: navego, busca
Anette Olzon
Anette Olzon palais.jpg
Información personal
Nombre Anette Ingegerd Olzon
Embotada {{{Alias}}}
Naixió 21 de chunio de 1971
Murió {{{Muerte}}}
Información musical
Orichen Flag of Sweden.svg Katrineholm, Suecia
Estilo Power metal sinfonico
Ocupancia {{{Ocupanzia}}}
Instrumentos {{{Estrumento}}}
Tiempo 1988 - ...
Discograficas {{{Discografica}}}
Relacionato con Nightwish
Pachina web www.anette-olzon.com

Anette Ingegerd Olzon (naixita o 21 de chunio de 1971) ye una cantaire sueca orichinaria de Helsingborg, mas conoixita por estar a vocalista d'o grupo de power metal sinfonico finlandés Nightwish. D'antis mas Olzon estió cantaire d'a colla sueca Alyson Avenue. Dimpués d'a suya dentrata en Nightwish, Anette ha feito colaboracions con quantas collas, en estudio y en vivo, encluyindo Brother Firetribe, Pain y The Rasmus. O suyo rango vocal ye de soprano.

En 2008, Anette gravó una canta con Brother Firetribe ta o suyo segundo álbum, Heart Full of Fire, fendo dueto con The Rasmus, que levaba o títol de October & April. A canta amaneixió por primera vegata en una radio finesa o 9 d'octubre de 2009 y salió en formato dichital l'11 de noviembre de 2009.[1] O 13 d'agosto Anette gravó dos cantas con Nightwish, "Kuolema Tekee Taiteilijan y "Meadows of Heaven", chunto a la Orquesta Sinfonica de Estocolmo, en o Suomi Safari, un evento ta celebrar as relacions entre Suecia y Finlandia.[2] Mientres o descanso dimpués d'o concierto de Nightwish en o Hartwall Arena en 2009, Anette afirmó que quereba quitar un álbum en solitario. O 19 d'octubre de 2009 prencipió a escribir cantas ta iste disco.[3]

Olzon ye fan de Sharon den Adel (de Within Temptation) y de Simone Simons (de Epica). [4] Amás parla de Carola Häggkvist, Sarah Brightman, Natalie Cole y Celine Dion como as suyas referencias en o mundo d'o canto. Diz que le cuaca ascuitar atras collas de musica heavy metal como Sonata Arctica, Amorphis, Tarot, Within Temptation y Kamelot. Tamién se declara fan d'o grupo finlandés The Rasmus, mesmo antis de que colaborase con ells en a canta October & April. [5] Anette vive con a suya parella, o baixista d'o grupo Pain, Johan Husgafvel, su fillo Sett, naixito en chulio de 2001, os suyos gatos - Gremlins, Stjärnan, y o gato de su fillo, Busan. O 30 de chulio de 2010, naixió o suyo segundo fillo, Nemo.[6]

Formación musical[editar | editar código]

Anette Olzon en una actuación

Anette Olzon creixió en un entorno familiar musical y prencipió a cantar dende que yera bien chicorrona. Su mai obligó a Anette quan teneba 8 anyos a aprender a tanyer l'oboe. Gosaba fer chiras con su mai y a vegatas cantaba con ella. Dimpués, prencipió a fer parti de diferents concursos de talentos, recibindo prou reconoiximiento.[7] Con a edat de decisiet anyos dentró en a suya primera colla musical, Take Cover, que feba versions de cantas d'atras collas. Con 22 anyos fació o papel prencipal en o rock opera "Gränsland" en Helsingborg. Dimpués d'isto dentró en l'academia de ballet (Balettakademien) de Gothenburg. En ista etapa cantó en coros, fació bells treballos d'estudeyo y ocasionalment actuó como cantaire en vodas. Anette Olzon tamién fació un dueto como cantaire con Michael Bormann (antigo cantaire de Jaded Heart) en o suyo álbum "Conspiracy".

En os primers anyos, Anette Olzon fació clases en o Conservatorio Musical Copenaguen en Helsingør, Dinamarca con un mayestro privato. Actualment, asiste de cabo quan a clase con un mayestro privato en a Universidat Musical de Malmö.[8]

Referencias[editar | editar código]