Alquibla

De Biquipedia
Ir ta: navego, busca
O muro de l'alquibla, con o mihrab y o minbar, a la mezquita d'Aqsunqur, d'El Caire.
Alquibla

L'alquibla ye como se conoixe a dirección u orientación enta a on cal fer a pregaria islamica. A lo principio a fe islamica adrezaba a pregaria enta Cherusalem, pero dende a Hechira, s'adrezó enta A Meca. A la sura II, versiclo 144, de l'Alcorán se diz "...Faremos que te chires enta una dirección que te satisfaiga. Chira o tuyo rostro enta a Mezquita Sagrata. En qualsiquier puesto on sigatz, chirar o rostro enta ella..."

Esta dirección senyala a ciutat d'a Meca, y més concretament a Kaba, que se troba a la mezquita d'al-Haram. Tamién s'ha discutito que puesto concreto d'a Kaba ye o punto exacto on de feito se centra tot o mundo islamico.

Esta practica fa que totas as mezquitas sigan orientatas enta l'alquibla. Dentro a mezquita, a dirección exacta vien indicata por mihrab que ye situato a lo muro de l'alquibla.

Vinclos externos[editar | editar código]