Acido ribonucleico

De Biquipedia
Ir ta: navego, busca
Un bucle d'ARN.

L'Acido ribonucleico, tamién conoixiu por as suyas siglas latinas ARN y, en l'ámbito scientifico, con as siglas anglosaxonas «RNA» (de «Ribonucleic acid») ye un tipo prencipal de biomolecula que contiene una seqüencia de ribonucleotidos concatenaus que constituyen as suyas subunidatz. Cada ribonucleotido consist en una base nitrochenada, un zucre de tipo ribosa, y un fosfato. A estructura de l'ARN guarda muitas semellanzas con l'ADN, anque difieren en qualques diferencias puntuals (anque prencipals) que fan qua cadagún tienga propiedatz bien diferents de l'altro cara a la biolochía d'a celula.

A tamas que o DNA se troba en forma d'una doble cadena antiparalela en a celula (dsDNA, «double stranded DNA»), l'ARN gosa ser-ie present en forma de cadena sencilla (ssRNA, «single stranded RNA»), estando que ista ye a suya forma per muito más freqüent, anque ta diferents funcions y en bells fenomenos conoixius d'a biolochía molecular, moleculas pereixederas e intermediarios d'ARN de dos cadenas (dsRNA) se gosan sintetizar. A demés, e ista ye a diferencia que gosa condicionar todas as altras, os nucleotidos d'ARN se forneixen dencima d'una pentosa que ha nombre ribosa que les fa de bastida prencipal, y que lieva o grupo hidroxilo (-OH) en totz os suyos atomos de carbonio per contraposición con as desoxirribosas, que fan parte de l'ADN, que careixen d'un atomo d'oxichén en comparanza. A tercer diferencia prencipal d'entre ARN y ADN ye en os quatre tipos de bases nitrochenadas que poseyen: adenina, uracilo, citosina y guanina en l'ARN, y adenina, timina, citosina y guanosina en l'ADN, estando diferent que l'ARN tiene uracilo por cuentas de timina.

Se veiga tmién[editar | editar código]

Vinclos externos[editar | editar código]