Wikipedia:Contenius no libres
|
|
Ista pachina describe una politica oficial de Wikipedia en aragonés.
Ha estau elaborada por a comunidat y o suyo cumplimiento ye obligatorio ta toz os editors. Puez editar-la pa amillorar a suya redacción y formato, pero si deseyas cambear a politica, caldrá consensuar-lo con a resta d'a comunidat. |
- D'alcuerdo con as definicions d'a politica de licencias d'a Fundación Wikimedia, esta pachina ye la Politica de Doctrina d'Exencions pa la Biquipedia en aragonés.
L'obchectivo fundamental d'a Biquipedia, como prochecto d'a Fundación Wikimedia y d'alcuerdo con a suya declaración de prencipios, ye lo de construyir una enciclopedia libre, baixo una licencia de conteniu libre u de dominio publico. Per conteniu libre s'entiende la libertat de distribución y modificación, d'uso ilimitau pa toz en cualsequier meyo, de alcuerdo con os termins d'a definición de Free Cultural Works (obras culturals libres).
Pa aconseguir este obchectivo en la Biquipedia en cheneral se repuya tot conteniu que no sía libre. Agora bien, pa poder fer una enciclopedia de cualidat, a Biquipedia en aragonés ha decidiu permitir en determinaus casos y con ciertas condicions bel material no libre necesario pa las finalidaz educativas y d'exposición. Este material no libre nomás se permite si cumple los requisitos d'esta politica d'exención.
Definicions
[modificar o codigo]Conteniu libre
[modificar o codigo]En la Biquipedia s'entiende per conteniu libre tot aquel que cumpla la definición de Free Cultural Works. Las libertaz esencials son:
- Libertat d'utilizar y reproducir u interpretar la obra, tanto en privau como en publico.
- Libertat d'examinar la obra y d'aplicar la información u lo conoiximiento.
- Libertat de redistribuyir copias, de franco u comercialment.
- Libertat de modificar y distribuyir versions derivadas.
- Estas libertaz han d'estar aplicables a toz, siempre y a tot per tot arreu.
Las restriccions permisibles son:
- Atribución d'os autors
- Transmisión d'as mesmas libertaz en las obras derivadas.
- Clausulas de protección de libertaz.
Tot aquello que no cumpla esta definición se considera conteniu no libre. Basicament:
- obras con dreitos d'autor vichent,
- restriccions d'uso no comercial,
- autorizacions exclusivas a la Biquipedia.
Politica de doctrina d'exención
[modificar o codigo]Una Politica de Doctrina d'Exención (PDE) especifica d'un prochecto (en este caso, la Biquipedia en aragonés) ye la politica que permite usar contenius no libres de forma legal en o contexto d'o prochecto (los países dende a on s'accede predominantment) sobre a base d'una doctrina d'exención fondamentada en a churisprudencia que reconoixe limitacions d'os dreitos d'autor.
Doctrina d'exención
[modificar o codigo]Politica d'a Fundación
[modificar o codigo]Los requisits d'a doctrina d'exención de la politica de licencias d'a Fundación son:
- Que se pueda usar legalment en o contexto d'o prochecto de alcuerdo con a lei d'os Estaus Unius y d'os países predominants d'o prochecto.
- Que sía clarament identificau, tanto per lo lector como per la posible redistribución, y que la suya utilización sía argumentada con alacez.
- Que sirva per:
- ilustrar escaicimientos historicament significativos
- obras protechidas d'identificación como logotipos
- complementar de manera restrinchida articlos sobre obras contemporanias con dreitos d'autor
- Que no sía verisímil poder-ne crear una alternativa libre
Ambito churidico
[modificar o codigo]La comunidat d'a Biquipedia en aragonés treballa en aragonés pa un publico aragonesoparlant, pero con a infrastructura d'una fundación con siede a San Francisco (California) y en un contexto amplament internacional. Per tanto:
Las prencipals referencias churidicas son las convencions internacionals sobre la propiedat intelectual (veyer OMPI pa una referencia basica). En particular, se para cuenta de las directivas d'a Unión Europea sobre l'harmonización de dreitos d'autor, basadas en as convencions internacionals.
Lo texto especifico d'aplicación en l'ambito aragonesofablant ye
- En Espanya, la Lei de Propiedat Intelectual.
En as especificidaz d'o dreito nortamericano tamién se para cuenta, especialment l'alegación d'o fair use.
Uso lechitimo
[modificar o codigo]La Lei de Dreitos d'Autor d'os Estaus Unius (Copyright Act) define l'uso lechitimo (fair use) como una limitación a los dreitos exclusivos cuan ye per propositos de critica, comentario, información d'actualidat, ensenyanza u investigación. Especifica cuatre factors a considerar per decidir si la copia d'un treballo con dreitos d'autor ye chusta y admisible sin lo consentimiento d'o titular d'os dreitos (Títol 17, capítol 1, articlo 107).
Estes factors s'han de valorar en cada caso pa determinar si un uso se puet cualificar como lechitimo. Como que son termins imprecisos y subchectivos ("substancialitat", "proposito") ye la chusticia nortamericana la que resueltas las disputas y la suya churisprudencia acaba determinando qué ye lechitimo u no. Un chuez norteamericano utiliza los cuatro factors como directrices y los adapta a las situacions de cada caso. Se puet consultar un resumen preparau per la Universidat de Stanford sobre casos de fair use [1].
En la Biquipedia en aragonés s'utilizará lo fair use nomás pa imáchens que sían baixo la lechislación nortamericana, cuan sía imprescindible per lo proposito d'un articlo y cuan sía insubstituible per una equivalent libre, existent u con posibilidat de crear-la. Corresponde a l'usuario argumentar que se cumplen los factors pa que un tribunal d'os Estaus Unius lo pueda considerar como un uso lechitimo.
Dreitos morals de l'autor
[modificar o codigo]Los dreitos morals son definius en l'articlo 6 bis d'o Convenio de Berna. Encara que tienen una aplicación muito dispar en diferents lechislacions, ye voluntat d'a Biquipedia respectar-los lo mas ampliament posible:
- Dreito d'atribución: en tot caso s'ha d'atribuyir adecuadament la condición d'autor d'a obra.
- Dreito de divulgación: tota imachen ha d'estar previament publicada y distribuyida per lo suyo autor.
- Dreito a retractar-se: caso que l'autor solicite retirar-la d'a Biquipedia, s'executará a l'inte.
- Dreito d'integridat: s'ha de mantener lo respecto a la integridat d'a obra y no se puede fer garra modificación que perchudique los intereses u la reputación de l'autor.
Dreito de citación
[modificar o codigo]En este contexto s'entiende como citación aquello que s'aduz y s'incluye en un articlo como suporte d'a exposición didactica.
Lo dreito de citación ye caracteristico d'o dreito convencional europeu, replegau en a directiva d'harmonización de dreitos d'autor. Se puede columbrar la citación textual d'un fragmento literario, la inclusión de fragmentos d'obras sonoras u audiovisuals y la inclusión d'obras aisladas de carácter plastico, fotografico figurativo u analogo. S'entiende per fotografía figurativa la simple reproducción fotografica sin la utilización de tecnicas especials per producir una obra creativa.
En tot caso, la inclusión d'una obra allena ye licita si
- se fa a títol de cita u pa lo suyo analisi u comentario critico;
- se fa en la mesura chusta exichida per la finalidat docent;
- la obra ya ha estau divulgada; y
- s'indica la fuent y lo nombre de l'autor.
Dreito de marca
[modificar o codigo]L'uso de sinyas d'identificación protechius ye un d'os tres casos previstos en a politica de licencias d'a Fundación como excepción posible a lo conteniu libre.
Lo dreito de marca ye replegau en cuantos tractaus internacionals y lechislacions estatals. En concreto, se miran:
- L'alcuerdo d'a Ronda Uruguai sobre Aspectos d'os dreitos de propiedat intelectual relacionaus con o comercio, articlos 13 y 16.
- En la Unión Europea, Reglamento sobre la marca comunitaria, articlos 9 y 10.
- En Espanya, Lei de marcas 17/2001 de 7 d'aviento, articlos 34 y 35.
- En los Estaus Unius l'uso de logotipos y marcas comercials se considera fair use ya que existe churisprudencia que estableixe que no ye aplicable la Federal Trademark Dilution Act de 1995 cuan lo suyo uso sin autorización ye en un contexto no comercial. (TOS Code Tittle 15 Section 1125).
Lo dreito de marca atorga a lo suyo titular un dreito exclusivo pa lo suyo uso en o mundo d'o negocio y lo proteche d'un uso identico, similar u imitau pa identificar atros productos u servicios. Especialment, se preveye que la reproducción en una enciclopedia no puet fer l'efecto que constituiga un termin chenerico y lo titular puet pedir la inclusión d'a indicación de marca rechistrada.
L'uso en la Biquipedia de marcas comercials, logotipos, escudos u atras sinyas d'identificación, sían de corporacions, sociedaz, productos u servicios, tanto si son marcas rechistradas como no, se fa con voluntat de respecto per los posibles dreitos de marca y dentro d'os limites previstos. Lo proposito de l'uso d'estos sinyals ye per amillorar la identificación, evitar confusions y en garra caso se pretende una concurrencia desleyal mercantil ni causar garra perchudicio a los intreses lechitimos d'o titular. En este sentiu, se tendrá especial vichilancia con l'uso de logotipos atras enciclopedias. Amás, no se puet fer l'efecto que exista garra vinclo entre la Biquipedia y atras sociedaz.
Simbolos oficials
[modificar o codigo]Los simbolos de representación oficials (banderas, escudos d'armas, sellos...) son un caso particular de sinyals distintivos que pueden estar protechius u limitaus per lei, independientment d'a suya licencia d'uso. Habitualment estes simbolos son de dominio publico pero lo suyo uso queda reservau a los entes oficials y se'n protechen las obras derivadas y los usos ofensivos. Dos eixemplos:
- Lo reglamento d'os simbolos d'os entes locals de Catalunya aprebau per decreto 263/1991, de 25 de noviembre, de la Cheneralidat de Catalunya, estableixe que:
- Nomás puede representar l'ente local y las entidaz autorizadas per l'ente local (Arte.16).
- No se puet utilizar en composicions de simbolos u siglas de partius, sindicaus, asociacions u atras entidaz privadas (Arte.21).
- Lei 39/1981, de 28 d'octubre, per la qual se regula l'uso d'a bandera d'Espanya y l'atras banderas y muestras.
L'uso en la Biquipedia de simbolos oficials se fa a títol d'identificación de l'ente que represienta y d'alcuerdo con cada lechislación local. En cheneral, en caso de protección, las restriccions se consideran asimilables a la marca rechistrada.
Politica sobre contenius no libres
[modificar o codigo]Texto
[modificar o codigo]La inclusión de texto no libre en la Biquipedia nomás ye admisible baixo lo concepto d'o dreito de citación siempre que se'n faiga un buen uso y en la mida que lo exicha l'obchectivo didactico buscau:
- La cita ha d'estar breu.
- Ha d'indicar la fuent y lo nombre de l'autor
- Lo texto s'ha d'utilizar literalment. Las alteracions necesarias d'o texto orichinal han d'estar clarament marcadas.
Pa citas chenerals, extensas u coleccions de citacions, lo suyo puesto ye en Biquiditos.
Imáchens
[modificar o codigo]- Pa una guía d'uso basada en esta politica se veiga Wikipedia:Requisitos d'as imáchens no libres.
Tota imachen sin permiso d'o titular d'os dreitos d'autor, u con restriccions que la faigan no libre (no comercial, no modificable u con autorización exclusiva), que s'use alegando lo dreito de citación, l'uso lechitimo u dentro d'os limites d'o dreito de marca, ha de complir toz los requisitos siguients:
- La pachina de descripción d'o fichero ha d'incluyir necesariament:
- Atribución adecuada de l'orichen d'o fichero, lo nombre de l'autor y lo d'o poseyedor d'os dreitos d'autor, si son diferents.
- Una plantilla de licencia adecuada que indique baixo que termins se ye chustificando lo suyo uso. Pa complir con o punto 2 d'a resolución d'a Fundación («Lo conteniu no libre utilizau baixo una PDE s'ha d'identificar en un formato leyible per maquina de manera que pueda estar facilment identificau»), totas las licencias no libres tendrán una marca uniforme pa la suya identificación.
- Una declaración que chustifique lo complimiento de toz estes requisitos per cadagún d'os articlos a on s'usa. Veyez Wikipedia:Chustificación d'imáchens no libres.
- No existe dengún material libre con un valor ilustrativo similar y no i hai la posibilidat de creyar-lo. Per eixemplo, una fotografía d'un subchecto que encara exista no puet estar acceptada ya que puet estar substituyida si belún fa una nueva fotografía libre. No s'admite garra material no libre que en un futuro pueda estar substituyiu per una alternativa libre.
- L'uso d'o material con dreitos d'autor no puet perchudicar los intereses comercials y no puede substituyir ni distorsionar lo papel que corresponde a lo mercau. L'uso d'una gran cantidat de material d'una mesma fuent puet perchudicar los suyos interses, sían comercials u no. Lo fichero ha d'estar una copia en baixa resolución de l'orichinal per evitar l'uso fraudulento.
- Sobre un mesmo tema, la cantidat de material utilizau ye limitau a lo estrictament necesario, en la mida chusta per la finalidat docent. Si una sola imachen ya fa lo servicio adecuau, la resta d'imáchens no libres se pueden considerar inchustificadas.
- Lo material ha estau previament publicau y amplament difundiu. No puet estar un treballo inedito ni nueu.
- Lo material tien intrés enciclopedico, cumple los requisitos d'admisibilidat d'a Biquipedia y cumple los requisitos de la politica d'imáchens.
- Lo material s'usa como minimo en un articlo. Lo dreito de citación y l'uso lechitimo dependen d'o buen uso que se'n faiga.
- Lo material complementa significativament l'articlo a on se cita y se comenta, y no tiene lo simple proposito decorativo.
- Las imáchens no libres s'usan exclusivament en articlos. L'uso en atros espacios de nombres no se puet considerar como una cita con finalidat didactica. No se pueden usar en plantillas, pachinas d'usuario, categorías, portals u pachinas de discusión. L'obchectivo ye tener lo minimo d'imáchens no libres y restrinchir-las a los casos imprescindibles.
Logotipos
[modificar o codigo]- Como guía d'uso basada en esta politica se veiga Wikipedia:Logotipos
L'uso de logotipos y atros sinyals d'identificación protechius se fa dentro d'os limites d'o dreito convencional de marca y seguntes l'uso lechitimo norteamericano.
Amás d'os requisitos chenerals pa las imáchens no libres cal parar cuenta que:
- Un logotipo nomás puet identificar aquello que represienta y no ha de provocar garra confusión.
- No ye necesario anyadir indicacions como ® u ™, pero tampoco no se puet usar dando la impresión que se tracte d'un termin u simbolo chenerico.
- Las parodias u logotipos derivaus se pueden usar nomás respectando lo punto de vista neutral y en o contexto adecuau, per eixemplo en un articlo sobre una campanya.
- L'uso d'un logotipo ye pa identificar millor l'obchecto d'un articlo y no puede dar la impresión que exista garra vinclo con a Biquipedia, ni que exista garra proposito promocional. En este sentiu s'evitarán los logotipos que incluigan slogans si i hai atras alternativas mas neutrals.
- En caso d'insignias oficials se parará cuenta de las restriccions que puedan tener en a lechislación local.