Wikipedia:Chustificación d'imáchens no libres

Una imachen no libre nomás se chustifica si cumple los requisitos d'as imáchens no libres definius seguntes la politica de contenius no libres. Ye responsabilidat de l'usuario que carga la imachen chustificar que se cumplen estes requisitos adhibindo l'argumentación en a pachina de descripción d'a imachen. La información imprescindible que ha de tener esta pachina ye:

L'orichen d'o fichero
Una plantilla de licencia apropiada seguntes las opcions de marcas disponibles.
Una chustificación d'exención d'imáchens no libres.

Esta chustificación ha d'aduyar a determinar si la exención d'imáchens no libres ye fundamentada seguntes los requerimientos d'a Fundación y los requisitos d'a Biquipedia. Tamién ha de servir per saber en que condicions se puet reutilitzar.

Antes de continar preguntar-te ¿per qué necesito incluyir una imachen no libre? Si en yes convenciu has de chustificar per qué se puet fer una excepción pa incluyir contenius no libres en un articlo baixo la licencia libre.

Puntos a chustificar

Una chustificación detallada d'exención d'imáchens no libres habría d'explicar:

Per qué no ye substituible per una imachen libre?

Una imachen d'un fotograma destacau d'una cinta, u un logotipo corporativo, ye evident que no i hai forma de producir una imachen libre equivalent. En cambio, una fotografía d'un personache vivo u d'un sitio publico son, por un regular substituibles. Que no se i haiga trobau no quiere decir que no exista u que no sía posible fer-la. Que un no tienga los recursos per fer-lo no acarreya que no lo pueda fer belatro.

Ye una versión en resolución mas baixa que l'orichinal?

S'han de prener las midas adecuadas pa evitar un uso fraudulento d'o fichero. La mida ha d'estar la chusta pa las necesidaz d'a Biquipedia, cheneralment no mas gran de 200 u 300 píxels. La resolución no habría d'estar mas gran de 72 ppp (píxels per pulgada, u dpi dote per inch) per evitar copias impresas. Si lo fichero ye en formato svg, se pueden simplificar los detalles. En caso de fichers d'audio se puet reducir la calidat.

Ye una porción d'a obra orichinal?

La cantidat y la proporción utilizada d'a obra no puet substituyir ni competir con l'orichinal. A lo contrario, ha d'incitar a lo lector a dirichir-se a la obra orichinal. Per eixemplo, una fotografía u un logotipo s'han d'amostrar enters y respectar la suya integridat. En cambio, la cubierta d'un CD habría d'amostrar nomás la porción necesaria pa evitar lo suyo uso en copias piratas. Un fotograma d'un documental u d'una cinta, encara que ye una porción muito chicota d'o total d'a obra, sería un uso desproporcionau y desleyal si amuestra lo momento culminant u lo final de l'argumento. En caso de fichers d'audio, la muestra habría d'estar menor d'o 10% de l'orichinal y de menos de 30 segundos.

En que articlo se cita?

Tanto l'uso lechitimo, como lo dreito de citación u los limites d'os dreitos de marca, se chustifican seguntes l'uso que se faiga d'o fichero. Cal indicar l'articlo u articlos a on se cita y se comenta la imachen. La chustificación puet estar diferent en cada articlo.

Cuál ye lo proposito y qué millora aporta a los articlos citaus?
- Ye la imachen lo tema prencipal de l'articlo?
- Ye la imachen lo sinyal prencipal d'identificación visual d'o subchecto de l'articlo? Per eixemplo, un logotipo corporativo, un escudo d'un club esportivo, una portalada d'una revista, etc.
Complementa de forma ilustrativa la explicación d'un tema particular? Per eixemplo, un fotograma d'una cinta...

Cualsequiera atra información adicional que pueda aduyar en o futuro a chustificar l'uso de contenius no libres. Parar cuenta que estes contenius en a Biquipedia se consideran una excepción y no se puede guarenciar lo suyo mantenimiento.