Verdial
Se diz verdial a un conchunto de variedaz d'olivera (Olea europaea) que se cautivan mas que mas en Espanya, en as rechions d'Andalucía y Extremadura. Produce unas olivas alargadas que pesan en promeyo alto u baixo 7 gramos y se mantienen de color verda encara que sigan maduras, a lo que deben o suyo nombre. Pueden destinar-se tanto a la producción d'aceite d'oliva como a olivas de mesa. A maduración d'o fruito se produce en o periodo comprendido entre zaguerías de noviembre y zaguerías d'aviento, l'aceite d'oliva que s'obtiene ye dolza y afruitada, sin sabor amarga y rica en acido linoleico. A prencipals variedaz son a verdial de Huévar, verdial de Badajoz y verdial de Vélez-Málaga.[1][2]
En Aragón ye una variedat segundaria de l'aceite Sierra de Moncayo, estando como maximo present en una proporción d'o 5%.
Verdial de Huévar
[editar | modificar o codigo]Natural de l'aria de Huévar del Aljarafe. Se cautiva en bellas 20.000 hectarias d'as provincias de Uelba y Sevilla en Andalucía. Tamién en a rechión d'Alentejo en Portugal a on se denomina verdeal de Serpa y verdeal alentejana. Se cautiva tamién en Santa Lucía de Tirajana en a isla de Gran Canaria.
Verdial de Vélez-Málaga
[editar | modificar o codigo]Se cautiva mas que mas en a comarca de l'Axarquía, provincia de Malaga, y d'ella se quitan aceites de sabor dolza y gran calidat.
Periana ye o municipio de l'Axarquía que acumula o 90% d'a producción d'ista oliva verdial.[3]
Verdial de Badajoz
[editar | modificar o codigo]Se troba en Extremadura, tanto en a provincia de Cáceres, como en a de Badajoz. Recibe tamién los nombres de macho, manzanilla rabuda, mollar y zorzaleño.[4]
Referencias
[editar | modificar o codigo]- ↑ (es) Olivo verdial.
- ↑ (es) "Olivos monumentales de España". Concepción Muñoz. Unoediciones, 2004, ISBN 84-8476-215-7.
- ↑ (es) Aceite Verdial Periana.
- ↑ (es) Ministerio de Agricultura Alimentación y Medio ambiente: Verdial de Badajoz.
| Control d'autoridaz |
|
|---|
Datos: Q6160570