Venus adormita
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Venus adormita | |
|---|---|
| Quatrón informativo | |
| Pintor | Giorgione |
| Anyo | 1501 (?) |
| Estilo artistico | Renaixentista |
| Tecnica pictorica | Olio sobre lienzo |
| Dimensions | 108,5 x 175 cm |
| Localización | Gemäldegalerie Alte Meister (Galería de Pinturas de Viellos Mayestros) Dresden, Alemanya |
A Venus adormita, tamién conoixita como a Venus de Dresden, ye una pintura de l'artista venecián renaixentista Giorgione, feita ta par de 1501, y que influiría muito en pinturas posteriors. Hue se troba exposata en a Gemäldegalerie Alte Meister (Galería de Pinturas de Viellos Mayestros) de Dresden (Alemanya).
En a pintura, una d'as zagueras obras de Giorgione, se vei una muller despullata con un perfil que pareix siguir o d'os tozals d'o fondo. O pintor treballó con gran detalle l'horizont y as suyas brempas. A textura d'as telas, a on que chace placidament a diosa y l'armonioso y bucolico paisache, atorga a este cuadro un chusto equilibrio entre calma y sensualidat. En esleir de pintar una muller despullata, Giorgione marcaba una revolución en a historia de l'arte; actualment ye considerato per bels criticos un d'os iniciadors de l'arte muderno.
A la suya muerte, a pintura no yera encara rematata. O cielo o remataría mes tarde Ticiano. (Ticiano tamién pintaría dispués una altra Venus, encara que no produciría es mismos efectos que a de Giorgione.)
En a obra i subchacen cualques implicacions eroticas en o brazo devantato de Venus y en a colocación d'a man zurda en a forcacha. As telas son pintatas de plata, una color freda que contrasta con as tonalidaz mes calients usatas ta os lins, y pareixen richidas, a diferencia d'os de pinturas similars feitas per Ticiano u Velázquez. O paisache emita as curvas d'o cuerpo d'a muller, cosa que ye relacionata con o feito de tornar a figura humana t'a concepción d'obchecto organico y natural.
L'actitut contemplativa enta a natura y a belleza d'a figura son caracteristicas tipicas de Giorgione. A composición d'esta pintura influyó clarament en Ticiano, y mes tarde en pintors como Ingres u Rubens.
Vinclos externos
[editar | modificar o codigo]
Se veigan as imáchens de Commons sobre a Venus adormita.
| Control d'autoridaz |
|
|---|
Datos: Q500812- Multimedia: Sleeping Venus by Giorgione / Q500812