Uella salz
A uella salz ye una raza ovina autoctona d'Aragón. O nombre suyo viene d'a población d'Ontinar de Salz (Zaragoza) a on se troba a primera explotación a on fue desarrollada. I hai en l'actualidat arredol de 7.000 capezas que se troban distribuyidas entre un tercenal d'explotacions ganaderas de cuantos municipios zaragozanos d'a val d'Ebro y atros lugars d'as provincias de Uesca y Teruel.[1]
Se creyó entre os anyos 1973 y 1980 a traviés d'un cruce d'a rasa aragonesa con sementals d'a raza romanov. L'obchectivo yera obtener uellas que tenesen un alto rendimiento reproductivo, s'adaptasen bien a las caracteristicas d'a rechión y tenesen una mena de carne buena pa o mercau d'o ternasco. Asinas se tracta d'una uella con una marcada precocidat sexual, sobrebuen instinto maternal y gregario y alta rusticidat, lo que fa que siga ideyal pa la cría de corders y fácil de manellar.[2]