Sun Tzu
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Sun Tzu u Sunzi (Mayestro Sun; en chinés: 孫子, en pinyin: Sūn Zǐ, en Wade-Giles: Sun Tzu) (544 aC - 496 aC) ye conoixiu en estar l'autor de L'arte d'a guerra, un antigo libro chinés sobre estratechia militar.
Biografía
[editar | modificar o codigo]A sola fuent sobre a vida de Sun Tzu que ye plegada en os nuestros días ye a biografía escrita en o sieglo II aC por l'historiador chinés Sima Qian, que diz d'él que estió un cheneral que vivió en l'estau de Wu en o sieglo VI aC. Con tot y con ixo, ista biografía no pareixe consistent con atras fuents que apuntan que o libro fue escrito entre as anyadas 400 aC y 320 aC.
A obra de Sun Tzu L'arte d'a guerra nos da bellas pistas sobre a suya vida. Por eixemplo, os carros de guerra que apareixen en o libro estión feitos servir mientres un breu periodo de tiempo tot remantando o sieglo IV aC, en consecuencia, a lo menos una parti d'a obra dataría d'ixe periodo.
Cuantos estudiosos han concluyiu que Sun Tzu no existió como figura historica y que L'arte d'a guerra sería una obra anonima.
En 1972 se trobón en Linyi (Shadong, China) una replega de textos en unas tabletas de bambú con o texto ya conoixu y nuevos trestallos. S'han puesto datar istos textos entre as anyadas 134 aC y 118 aC, dando mas motivos ta pensar que bellas partis d'o libro fuoron escritas muito mas tardi que no as atras.
Sun Bin, un descendient de Sun Tzu, escribió un atro libro conoixiu tamién como L'arte d'a guerra encara que un títol mas adecuau ta ista obra sería 'Arte militar u Arte belico por os suyos contenius d'aspectos militars[1]
Bibliografía
[editar | modificar o codigo]- Sun Tzu: L'arte d'a guerra.
Vinclos externos
[editar | modificar o codigo]
Referencias
[editar | modificar o codigo]| Control d'autoridaz |
|
|---|
