Seguéi Koroliov

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Serguéi Koroliov
Información personal
Calendata de naixencia	12 de chinero de 1907
Puesto de naixencia	Zhytomyr
Calendata de muerte	14 de chinero de 1966
Puesto de muerte	Moscú (Unión Sovietica)
Ocupación	incheniero

Serguéi Koroliov (en ruso Серге́й Па́влович Королёв) yera un incheniero ruso de codetes que s'encargó de desenvolver dentre las anyadas 1950 y 1960 os programas espacials mas iconicos d'a Unión Sovietica. Asinas per eixemplo, a lo frent d'a suya usina de disenyo OKB-1, estió involucrau en o desembolique d'o Sputnik 1, en o lanzamiento d'a canya Laika, lo primer ser vivo en o espacio, y d'o lanzamiento de Yuri Gagarin, lo primer ser humano en o espacio.

Asinas mesmo estió desenvolvendo lo programa robotico d'exploración lunar clamau Luna y lo programa tripulau lunar N1-L3 que yera l'equivalent d'o programa Apollo d'a NASA.

Mientres que estió vivo estió conoixiu simplament con o nombre de "Incheniero Chefe" pa protecher-lo de posibles atentaus. Dimpués d'a suya muerte en una operación pa estirpar-le un tumor se dió a conoixer a suya identidat a lo mundo y estió enronau con muitas honors en o Kremlin en Moscú.