Santiago Marraco Solana
| Santiago Marraco | |
|---|---|
.jpg)
| |
| 27 de mayo de 1983 – 1987 | |
| Gubierno | Gubierno Marraco |
| Precediu por | Juan Antonio de Andrés Rodríguez |
| Succediu por | Hipólito Gómez de las Roces |
| 1 de marzo de 1979 – 23 de mayo de 1983 | |
| 1 de marzo de 1979 – 23 de mayo de 1983 | |
| 20 de mayo de 1983 – 5 de noviembre de 1987 | |
| 21 de mayo de 1979 – 28 d'abril de 1980 | |
| President | Juan Antonio Bolea Foradada |
| Gubierno | Segundo Gubierno Bolea |
| Chunto a | José Antonio Biescas Ferrer Manuel Fábregas Ginés José María Esponera Pascual |
| Precediu por | Ángel García Vianacaro (Transportes y Comunicacions) |
| Succediu por | José María Esponera Pascual Manuel Fábregas Ginés |
| Naiximiento | 25 de chulio de 1938 Canfranc (Chacetania, Uesca)
|
| Partiu | Partido Socialista de Aragón (PSA), Partido de los Socialistas de Aragón (PSOE) |
| Profesión | Politico y incheniero de monts |
.svg){kind=small}
.svg){kind=small}
Santiago Marraco Solana (Canfranc, Chacetania, Uesca, 25 de chulio de 1938) ye un politico y incheniero de monts aragonés que estió President d'a Deputación Cheneral d'Aragón.
Biografía
[editar | modificar o codigo]Doctor Incheniero de Monts por a Escuela Tecnica Superior d'Incheniers de Monts de Madrit, a on remató os suyos estudios en 1962, dentró en o Cuerpo Superior d'Incheniers de Monts d'o Ministerio d'Agricultura en 1966, estando destinau a o Districto Forestal de Uesca, organismo posteriorment refundiu en l'ICONA. Fundador d'a Junta Democrática en Uesca en 1974, estió cofundador y secretario cheneral d'o Partido Socialista de Aragón (PSA) dica a suya unificación con a Federacion Socialista Aragonesa d'o PSOE en 1978. Dimpués estió secretario cheneral d'o Partido de los Socialistas de Aragón (PSOE-Aragón), dende 1979 dica 1988, y fació parti d'o Comité Federal d'o PSOE. Estió miembro d'o Seminario d'Estudios Aragoneses y Altoaragoneses, y de l'equipo d'o semanario Andalán.
En 1979 fue esleito deputau en o Congreso d'os Deputaus por a provincia de Uesca y reelecto una vegada más en 1982.
President d'a Deputación Cheneral d'Aragón (1983-1987)
[editar | modificar o codigo]O 27 de mayo de 1983 se convertió en President d'o Gubierno d'Aragón con os votos d'o PSOE (33), PCE (2) y CDS (1), l'abstención d'o PAR y voto negativo d'AP (17).
Un d'os aspectos más controvertius d'a suya politica estió lo relativo a las competencias autonomicas: mientres a oposición feba las queixas de traicionar os intreses aragoneses, a dirección socialista veyeba en él un perigloso nacionalista. En 1984 se producioron importants avances en o livel d'autogobierno. Marraco mostró una especial sensibilidat por a vertebración d'o territorio y os temas de politica hidraulica, planteando a regulación d'o río Esera pa evitar a inundación de Campo, asinas como a construcción d'o entibo d'Embún debant d'o recrecimiento de Yesa. En l'exterior, fació parti d'a Comunidat de Treballo d'os Pireneus y d'o Consello de Rechions d'Europa, d'o que estió vicepresident.
En as eleccions de 1987 anque a suya candidatura estió a más votada, a suma conservadora d'AP y PAR nombroron president d'Aragón a Hipólito Gómez de las Roces (PAR).
Trachectoria posterior
[editar | modificar o codigo]En 1988 ye nombrau director de l'ICONA cargo que conservará dica 1996. En l'anyo 2000 milita encara en o PSOE de Uesca y, anque treballa como funcionario en Madrit, conserva legalment a suya condición d'aragonés.
Santiago Marraco ye autor, entre atras publicacions relacionadas con a suya especialidat, de chestión de l'augua y os reganos; planificación d'estacions d'esquí, y agricultura en montanya. Ha reyalizau amás cuantos treballos, como un inventario d'espacios naturals a protecher en a provincia de Uesca; un estudio socioeconomico d'a provincia de Uesca, un estudio sobre a potencialidat turistica d'o Pireneu u sobre a vía pirenenca d'alta montanya. En materia d'auguas: alternativas a o pantano de Campo (1976), propuesta de riegos d'a Chacetania (1977) y chestión de l'augua en Aragón: Propuestas pa la autonomía aragonesa (1978).[1]
Referencias
[editar | modificar o codigo]- ↑ (es) VV.AA.. "Artículo sobre Santiago Marraco". Gran Enciclopedia Aragonesa. http://www.enciclopedia-aragonesa.com/voz.asp?voz_id=8508&tipo_busqueda=1&nombre=marraco&categoria_id=&subcategoria_id=&conImagenes=.
Se veiga tamién
[editar | modificar o codigo]| Predecesor: Juan Antonio de Andrés Rodríguez |
President d'Aragón 1983-1987 |
Succesor: Hipólito Gómez de las Roces |
| Predecesor: Denguno |
Secretario Cheneral d'o PSOE-Aragón 1979-1988 |
Succesor: José Marco Berges |
| Predecesor: Emilio Gastón |
Secretario Cheneral d'o PSA 1978 |
Succesor: Emilio Gastón |
| Predecesor: Ángel García Vianacaro (Transportes y Comunicacions) |
Consellero d'Acción Territorial d'a Deputación Cheneral d'Aragón chunto a José Antonio Biescas Ferrer, Manuel Fábregas Ginés y José María Esponera Pascual (preautonomico) 21 de mayo de 1979 - 28 d'abril de 1980 |
Succesor: José María Esponera Pascual Manuel Fábregas Ginés |
| Control d'autoridaz |
|
|---|
Datos: Q9074260
Multimedia: Santiago Marraco / Q9074260
- Incheniers d'Aragón
- Naixius de Canfranc
- Politicos d'Aragón
- Politicos d'o Partido de los Socialistas de Aragón
- Presidents d'a Deputación Cheneral d'Aragón
- Consellers de Politica Territorial d'a Deputación Cheneral d'Aragón
- Deputaus en o Congreso d'os Deputaus por a provincia de Uesca
- Deputaus d'a I Lechislatura d'o Congreso d'os Deputaus
- Deputaus d'a II Lechislatura d'o Congreso d'os Deputaus
- Deputaus en as Corz d'Aragón por a circumscripción electoral de Uesca
- Deputaus en as Corz d'Aragón por a circumscripción electoral de Zaragoza
- Deputaus d'a I Lechislatura d'as Corz d'Aragón
- Deputaus d'a II Lechislatura d'as Corz d'Aragón
- Segundo Gubierno Bolea
- Gubierno Marraco
- 1938 (naixencias)