Sabina de Villamayor

A sabina de Villamayor de Galligo ye un árbol singular u monumental de Juniperus thurifera u sabina albar, localizau en a población aragonesa de Villamayor de Galligo, tien un perimetro de 2,37 m y más de 13 m de altura y se li calcula una edat aproximada d'alto u baixo dos mil anyos,.^[1] Ye situada dentro d'a zona LIC Sierras de Alcubierre y Sigena que fa parte d'a Rete Natura 2000.

Representa o legau d'as antigas selvas d'a Hispania romana, cuan cuasi tota la peninsula iberica yera una gran selva mediterrania.^[2] As sabinas se talloron per o suyo gran porte y en estar una fusta imputrescible.^[3] Encara que se diz que dita fusta se fació servir pa construyir parte d'as embarcacions de l'Armada Invencible, ixa afirmación ye falsa.^[4] Tanimientres, sí que s'emplegó en obras d'edificación que requerisen cimentacions per medio de pilotache, fendo servir pilotes de fusta de sabina.

Esta sabina ye l'unico eixemplar que sobrevive en a zona de Villamayor, amanada a o parache d'o denominau mont Escuro, an se troba como selva natural. En o suyo entorno, naturalistas y amants d'o medio ambient han deixau o suyo legau. Iste árbol representa un important simbolo pa la localidat de Villamayor de Galligo, celebrando-se arredol de l'árbol escaicimientos de forma periodica. Amás ye l'emblema d'o municipio, estando representada en o suyo escudo d'armas como elemento central la sabina.