Mont Escuro

De Biquipedia
Ir a la navegación Ir a la búsqueda
Mont Escuro
Monte Oscuro
Situación
Situación Flag of Aragon.svg Monegros, Zaragoza, muga entre Perdiguera y Farlet
Latitut
Lonchitut
Vértiz cheodesico 35584
Cheografía
Cordelera Sierra d'Alcubierre
Sierra {{{sierra}}}
Macizo {{{macizo}}}
Altaria 824 m
Primera puyada
Ruta mas fácil
Mapa
Depresión d'Ebro.png
Montanya.svg

Mont Escuro (en castellán Monte Oscuro) ye un mont d'a sierra d'Alcubierre, situau en a provincia de Zaragoza, en Aragón. Tien una altaria de 824 metros sobre o libel d'a mar. Ye un d'os puntos mas altos de dito sarrato nomás por dezaga d'a cota de l'armita de Sant Crapasio, que le supera en 10 metros de altaria. Bi ha un vértiz cheodesico en a suya cima.

Se sitúa en a divisoria d'auguas que forma a muga entre os municipios de Perdiguera y Farlet, en a zona sudueste d'a comarca de Monegros. En una d'as suyas muelas se troba instalau un radar meteorolochico de dimensions considerables, apreciable dende varios kilometros d'a suya redolada.

Bi habió un prochecto ta a creyación d'una estación d'esquí.

Toponimia[editar | editar código]

L'oronimo Mont Escuro fa referencia a os sabinars, chinebrals y carrascals tipicos d'a sierra d'Alcubierre y Monegros antis d'a suya deforestación, igual que o toponimo Monegros evolucionó dende Mons Negros. Actualment en sus laderas predomina o pin borde que dará paso en a sucesión ecolochica a os estadios d'orichen.

Este oronimo ye documentau como elemento romance aragonés en latín medieval ya en 1269:

...illo monte qui dicitur Mont Escuro Alfagerino...[1]

Referencias[editar | editar código]

  1. (es) Juan Antonio Frago Gracia: Toponimia navarroaragonesa del Ebro (IV): Orónimos. Archivo de Filología Aragonesa. ISSN 0210-5624, Vol. 30-31, 1982 , pachinas. 23-62.

Enlaces externos[editar | editar código]