Raso

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Envista de la oficina de correus de cabo Raso (Archentina).

Un raso ye un terreno sin vechetación, de topografía plana y en alto. Ye un termin cercano a "saso".

Etimolochía

La palabra raso deriva de lo latín RASUS, que ye lo particio pasivo de lo verbo RADERE ("rader"). No ha ha conoixencia que haiga existiu raso como participio de rader cuan l'aragonés yera ya formau. Bi ha locucions adverbials formadas con esta palabra: de raso (cheosinonimo occidental de la locución "de tot"), y a'l raso.

Ya se documenta como elemento romanz de textos escritos en latín medieval:

...dederunt illis terminum Forcos et Fontelata et Arba, et illo Cosculgare usque ad Petra ficta, et inde intramos rasos usque ad sumum ad Forkala.

Toponimia

Raso ye un formant d'oronimos:

• Alto d'el Raso.
• El Raso (en Lo Pueyo).
• Punta d'el Raso.
• Los Rasos (Buenya).
• Los Rasos (Estercuel).
• Los Rasos (Lo Grau).
• Los Rasos (La Iglesuela).
• Raso de la Cruz (en Cosuenda).
• Raso de Santa María (en Malanquiella).
• Rasos de Peguera.

Tamién ha formau atra clase de toponimos:

• Mont-ras.
• Rasal.
• Raset (en Aso de Sobremont).