Ultravrioleta

De Biquipedia
(Reendrezau dende Radiazión ultrabrioleta)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Lampa fluorescent de luz ultravrioleta. A radiación ultravrioleta no ye bisible; manimenos, muitas d'as lampas ultravrioletas emiten marguinalment parti d'a suya luz en a zona adchacent d'espectro visible, por lo que se veyen d'una color vrioleta.

O ultravrioleta, radiación ultravrioleta u luz ultravrioleta (UV) ye a radiación electromagnetica con una longaria d'onda menor a la luz visible y mayor a la d'os rayos X. A suya longaria d'onda va alto u baixo dende os 400 nanometros dica os 15 nanometros y presenta enerchías d'entre 3 y 124 eV. O nombre significa «mas allá d'o vrioleta» (d'o latín ultra), o vrioleta ye a color visible con a longaria d'onda mas curta y la d'a radiación ultravrioleta ye encara mas curta.

A radiación ultravrioleta se troba en as radiacions solars y tamién ye emesa por os arcos electricos y por bels tipos de lampas que producen luz negra. Ya que se tracta d'una radiación ionizant puet prevocar reaccions quimicas y a fluorescencia de ciertas sustancias. Iste tipo de radiación ye nocivo ta la salut, prevoca o bronceyato pero tamién pueden causar cáncers cutanios como lo melanoma, o aviellimiento prematuro d'a piel (corrucas), cremazos, cataratas, ecetra.