ARN d'interferencia menudo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A expresión ARN d'interferencia menudo (per siglas, siRNA «ese í erreneá», de l'anglés small interfering RNA, literalment «ARN interferidor menudo») fa referencia a moleculas d'acido ribonucleico (ARN) d'entre 20 y 25 nucleotidos de lonchitut que cumplen numerosas funcions en chenetica y biolochía molecular. D'entre ellas, a mas destacable ye a vía d'a interferencia d'ARN, en a cual i interfiere con a expresión de bel chen. A demés de lo dito proceso, o RNA d'interferencia menudo tamién interviene en bel altros procesos biolochicos d'a celula muit estreitament relacionatos con a interferencia d'ARN, como per eixemplo a oposición a os mecanismos replicativos d'os virus u en a estructuración d'a cromatina en o nuclio. A verdadera complxidat de toz istes procesos no se ye emprenzipato a dilucidar dica os zaguers anyos.

Os siRNAs se descobrieron per primer vegada en o grupo d'investigación de David Bailcombe en o Sainsbury Laboratory de Norwich (Anglaterra) como parte d'os mecanismos silenciadors d'a expresión de cualques chens en plantas. Ixe grupo investigador expublicó lo suyo troballo en un articlo que heba títol "A species of small antisense RNA in posttranscriptional gene silencing in plants" («Una especie d'ARN menudo anti-sentido en o silenciamiento pos-transcripcional en plantas»). Poquet dimpués, en 2001, s'observó que bels siRNAs podeban inducir a interferenia d'ARN en celulas de mamifero.

Estructura

Estructura d'una molecula d'siRNA.

Os siRNAs tienen una estructura bien definida: una cadena doble d'ARN (dsRNA) de bels 21 nucleotidos con codas libres d'un nucleotido cadaguna en os extrimos 3' («tres prima»).

Cada cadena tiene un fosfato 5' («fosfato cinco prima») y un grupo hidroxilo 3' («hidroxilo tres prima»). La dita estructura procede d'a catalisi per partes d'o enzima dicer, que tiene a propiedat de convertir ARN de doble cadena u ARN curtos en forquilla de pelo en ARNs menudos d'interferencia. Os siRNAs tamién pueden introducir-se exochenament en a celula ta que i actúen como bloqueyadors de cualques chens concretos. En esencia, cualsiquier chen que tienga una secuencia conoixita puede ser subchecto d'un siRNA especialment disenyato contra él, que i «interferirá» per complementariedat de bases. Ista particlaridat ye feito d'os siRNAs una ferramienta prencipal en a función chenica y en a validación d'estudeos sobre dianas d'actuación de farmacos en os zaguers anyos.

Se veiga tamién

• MicroRNA (miRNA)
• Interferencia d'ARN

Vinclos externos

• Se veigan as imáchens de Commons sobre l'ARN d'interferencia menudo.