Quimica inorganica
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A quimica inorganica ye a branca d'a quimica que s'ocupa d'o estudeo d'o comportamiento d'os compuestos inorganicos, ye decir, os que no contienen carbonio (en contraposición a os compuestos organicos, que si en contienen). De feito, a distinción entre compuestos organicos y inorganicos ye difusa y prou arbitraria: d'una man, bi ha compuestos con carbonio que se consideran inorganicos, como os carburos, os carbonatos, o grafito u o diamant; d'atra, muitos compuestos formatos basicament por atomos de carbonio tamién contienen metals de transición. Tradicionalment estudiatos por a quimica inorganica, istos compuestos son estudiatos por a quimica organometalica, una disciplina que se troba entre as dos brancas.
As arias d'estudeo en quimica inorganica son a quimica organometalica, a quimica d'agregatos y a quimica bioinorganica.